काठमाडौं – सत्तारुढ दल नेपाली कांग्रेसले वडा अधिवेशनको पूर्व सन्ध्यामा ४८ जिल्लाको क्रियाशील सदस्यता विवरण सार्वजनिक गरेको छ ।

कांग्रेसको १४औं महाधिवेशनका लागि केन्द्रीय क्रियाशील सदस्यता छानविन समितिले बुझाएको प्रतिवेदन अनुसार ४८ जिल्लाको क्रियाशील सदस्यताको सूची सार्वजनिक गरिएको छ ।

भदौ १८ गतेमा निर्धारित वडा अधिवेशनका लागि बिहीवार ३८ जिल्लाको क्रियाशील सदस्यता सूची सार्वजनिक गरेको निर्वाचन समितिले शुक्रवार थप १० जिल्लाको नामावली सार्वजनिक गरेको छ ।

पार्टी निर्वाचन समिति संयोजक महादेव यादवले सदस्यता सूची सार्वजनिक भएका जिल्लामा निर्वाचन अधिकृतलाई खटाएका छन् ।

निर्वाचन समितिले शुक्रवार धनकुटा, भोजपुर, दाङ, सल्यान, गुल्मी, प्युठान, जाजरकोट, दैलेख, कालीकोट र अछाम जिल्लाको क्रियाशील सदस्यता विवरण पार्टीको वेबसाइटमा सार्वजनिक गरेको छ ।

बिहीवार निर्वाचन समितिले ताप्लेजुङ, पाँचथर, इलाम, संखुवासभा, तेह्रथुम, खोटाङ,  सोलुखुम्बु,  ओखलढुंगा, उदयपुर, झापा, दोलखा, रामेछाप, सिन्धुली, भक्तपुर, गोरखा, लमजुङ, तनहुँ, कास्की, मनाङ, मुस्ताङ, पर्वत, स्याञ्जा, म्याग्दी र नवलपुरको सदस्यता विवरण सार्वजनिक गरेको थियो ।

यस्तै नवलपरासी, रुपन्देही, पाल्पा, रुकुम पूर्वी, रोल्पा, रुकुम पश्चिम, जुम्ला, मुगु, हुम्ला, बझाङ, डोटी, दार्चुला, बैतडी र कञ्चनपुरको सदस्यता विवरण पार्टीको वेबसाइटमा सार्वजनिक गरिएको निर्वाचन समितिले जानकारी दिएको छ ।

नेपाली कांग्रेसका वरिष्ठ नेता रामचन्द्र पौडेल पक्षका जिल्ला सभापतिहरू क्रियाशील सदस्यता सार्वजनिक गर्न माग गर्दै पार्टी मुख्यालय सानेपामा ३ दिनदेखि रिले अनसनमा रहेका छन् । कांग्रेस महाधिवेशन मंसिर ९–१३ गतेसम्म काठमाडौंमा गर्ने गरी तोकिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग