काठमाडौं – प्रमुख प्रतिपक्षी दल नेकपा एमालेका वरिष्ठ नेता माधवकुमार नेपालले आफ्नै पक्षका संसदहरूले मन्त्री बन्न दाम्लो चुडाउन खोजेको खुलासा गरेका छन् ।

आज शनिवार काठमाडौंमा आयोजित बागमती प्रदेश सम्पर्क कमिटीको समानान्तर नेतृत्व घोषणा कार्यक्रमलाई सम्बोधन गर्दै नेता नेपालले प्रधानमन्त्री शेरबहादुर देउवा नेतृत्वको सरकारमा मन्त्री बन्न हतारिनेलाई केही समय रोकिन भनेको र मानेको बताएका छन् ।

नेता नेपालले भने, ‘केही साथीहरू हामी जान्छौं भनेर झण्डै दाम्लो चुडाल्न तयार हुनुभयो । दाम्लो चुडाल्नेलाई म के गर्न सक्छु ? आफ्नैलाई त रोक्न सकिएको छैन । तैपनि मैले भनेको कुरालाई मान्नुभएको छ । दाम्लो नचुडाउनुहोला मैले भनिरहेको छु । अहिले अन्तिम कोसिस गर्न दिनुहोस्, मन्त्री ठूलो कुरा होइन, विचार ठूलो कुरा हो, पद ठूलो कुरा होइन, नीति ठूलो कुरा हो ।’

नेता नेपालले एमाले अध्यक्ष केपी शर्मा ओलीको मन परिवर्तन गर्न सकिन्छ कि भनेर साथीहरूले प्रयास गरिरहेको र अन्तिम प्रतिक्षामा रहेको बताएका छन् । नेपालले भने, ‘हामी अझैं पनि अन्तिम प्रतिक्षामा छौं । अझैं पनि कोसिस जारी छ । हाम्रो कोसिस गर्ने कमरेडले सक्नुहुन्छ कि ?’

देउवा सरकारमा सहभागिता र नियुक्तिबारे पनि नेता नेपालले टिप्पणी गरेका छन् । ओली सरकारले एकलौटी रूपमा गरेका नियुक्तिमा के गर्ने भन्नेबारे छलफल जारी रहे पनि सरकारलाई मन्त्रिपरिषद् विस्तार र नियुक्तिमा नरोकेको बताएका छन् ।

नेपालले भने, ‘हामीले रोेकेका छैनौं सरकारलाई । हामीले भनेका छौं कि तपाईंहरू सरकार बनाउँदै गर्नुहोस्, मन्त्री बनाउँदै गर्नुहोस् । अहिले हामी पठाउन सक्दैनौं । किनभने हाम्रै टुंगो छैन । किनभने हामी छुट्टै भइदिएको भए फलना–फलनालाई पठाउने भन्ने हुन्थ्यो होला ।’

नेपालले ओलीमा सुधार आएमा एमाले एकै हुने समेत बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

यी मन्त्रीलाई बेस्सरी हप्काउँदै माधव नेपालले भने, ‘तत्काल माफी मागिहाल्नुस्’

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?