अष्टलक्ष्मी शाक्यको बालकोट मोह, नेपालसँग टाढिँदै
अष्टलक्ष्मी शाक्यको बालकोट मोह, नेपालसँग टाढिँदै
काठमाडौं - केही समययता एमाले उपाध्यक्ष अष्टलक्ष्मी शाक्य वरिष्ठ नेता माधवकुमार नेपालसँग टाढिँदै गएकी छन् । पार्टी अध्यक्ष केपी ओली बालुवाटारबाट बालकोट आएपछि शाक्य उनीसँग नजिकिन थालेकी हुन् ।
स्रोतका अनुसार नेतृ शाक्यले अहिलेसम्म ओलीलाई धेरैपटक भेटिसकेकी छन् । ओलीले पनि शाक्यलाई प्राथमिकता दिएर घन्टौं छलफल गर्ने गरेको बताइन्छ । सोही कारण पछिल्लो समय शाक्य वरिष्ठ नेता माधवकुमार नेपालसँग टाढिँदै गएकी छन् ।
एमाले अध्यक्ष ओली अहिले शाक्यलाई आफूतिर तानेर बागमती प्रदेशका मुख्यमन्त्री डोरमणि पौडेलको सरकार बचाउन चाहन्छन् । शाक्यले चाहेमा तुरुन्तै पौडेल सरकार ढल्छ । त्यही भएर ओलीले प्राथमिकता दिएर शाक्यलाई बोलाएर छलफल गर्न थालेका छन् ।
शाक्यले पनि पार्टी एकताको सन्देश बागमती प्रदेशबाटै दिने बताउँदै आएकी छन् । ओलीले माधव पक्षका भीम रावललाई आफ्नो गुटमा ल्याइसकेका छन् । अब शाक्यलाई पनि ल्याएपछि माधव कमजोर हुने ओली गुटको आकलन छ । त्यही भएर माधव नेपाल चाँडै वार कि पारमा लागेका छन् ।
केही दिनअघि प्रदेश सरकारको भविष्यबारे कुराकानी गर्न माधव पक्षका अष्टलक्ष्मी शाक्य, राजेन्द्र पाण्डे, अरुण नेपाल, ओली पक्षका मुख्यमन्त्री डोरमणि पौडेल, मन्त्री केशव पाण्डे र प्रमुख सचेतक दीपक निरौला बालकोट पुगेका थिए । त्यहाँ ओलीले नेतृ शाक्यको निकै प्रशंसा गरेको बुझिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४