काठमाडौं- यतिबेला एमाले अध्यक्ष केपी ओलीले पार्टीका वरिष्ठ नेता माधवकुमार नेपाल समूहलाई आममाफी दिने घोषणाबारे व्यापक टीकाटिप्पणी भइरहेको छ ।

बिहीबारको केन्द्रीय कमिटी बैठकमा ओलीले माधव पक्षलाई ‘विगतका गल्ती भुलेर आए आममाफी दिन्छु’ भनेर घोषणा गरेका थिए । ओलीको यो घोषणाले एमाले कस्तो सनकको भरमा चलेको पार्टी रहेछ भन्दै सर्वत्र आलोचना भइरहेको छ ।

पार्टी सञ्चालन एउटा विधि र पद्धतिका आधारमा चल्छ । यसका आफ्नै मूल्य मान्यता हुन्छ । तर, ओलीले एमालेलाई सनक र लहडका भरमा चलाइरहेका छन् । बालुवाटारबाट हट्नुपर्दाको आक्रोश उनले बालकोटको बार्दलीमा उभिएर व्यक्त गरे ।

उनले आफ्नो पार्टीको सरकार हटाएर कांग्रेस सभापति शेरबहादुर देउवालाई प्रधानमन्त्री बनाउने माधव नेपाल गद्दार भएको घोषणा गरेका थिए । तर, अहिले उनी माधव नेपाललाई दोस्रो अध्यक्ष बनाउन तयार भएको, आममाफी दिन तयार भएको बताउन थालेका छन् ।

ओली यो हदसम्म यु टर्न किन भए ? अहिले यसको कारण खोजी भइरहेको छ । तर, सबैभन्दा महत्वपूर्ण कुरा भने ओलीले सनककै भरमा चलाउन थाल्दा पार्टी तहसनहस भइसकेको छ ।

पार्टीमा यतिसम्मको अराजकता बढेको छ कि खुलेआम पार्टी अध्यक्षमाथि कारबाही गर्नुपर्ने आवाज उठेको छ । पार्टीकै नेताहरूले ओलीलाई तल्लोस्तरको गालीगलौज गर्न थालेका छन् ।

यसको दोषी ओली नै हुन् । किनभने आफू पक्षधरलाई च्पाप्ने र विरोधीलाई भित्तामा पुर्याउने काम ओलीले गर्दै आएका छन् । कम्युनिस्ट पार्टी एउटा सिस्टममा चलेको हुन्छ ।

सर्वहारा र मजदुर तथा गरिबको पार्टी भनिन्छ । तर, एमाले अहिले सामन्तवादी पार्टीमा रुपान्तरण भइसकेको छ । त्यही भएकाले ओलीले क्षणभरमै गद्दार घोषणा गर्ने र क्षणभरमै आममाफी दिने भन्दै आफूलाई महाराज सम्झेका छन् भने माधव पक्षलाई दास सम्झेका छन् ।

सामन्ती राजाहरुले मात्र दासहरूलाई माफी दिन्थे । ओलीले एमालेलाई त्यही अवस्थामा पुर्याएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?