भागबण्डा मिल्यो ! माओवादीका १ मन्त्री र १ राज्यमन्त्री नियुक्त हुँदै
भागबण्डा मिल्यो ! माओवादीका १ मन्त्री र १ राज्यमन्त्री नियुक्त हुँदै
काठमाडौं – गठबन्धन सरकारमा नेकपा माओवादी केन्द्रले १ मन्त्री र १ राज्यमन्त्री पाउने भएको छ ।
२ नम्बर प्रदेशमा जनता समाजवादी पार्टी (जसपा) नेपालका अध्यक्ष उपेन्द्र यादव पक्षको नेतृत्वमा नेपाली कांग्रेसको सरकार छ ।
अब सरकारमा माओवादी केन्द्र समेत सहभागी हुने सहमति जुटेको छ । यसअघि मन्त्रालयमा भागबण्डा नमिलेपछि माओवादी सरकारमा गएको थिएन ।
माओवादी केन्द्र प्रदेश संसदीय दलका नेता भरतप्रसाद साहको नेतृत्वमा सरकारमा सहभागी हुन तयारी छ । प्रदेश सांसद साहले १ मन्त्री र १ राज्यमन्त्रीसहित प्रदेश सरकारमा सहभागी हुन लागेको जानकारी दिए । राज्यमन्त्रीमा रुवीकुमारी कर्ण सहभागी हुने भएकी छन् । २ नम्बर प्रदेशमा जसपाका नेता लालबाबु राउत मुख्यमन्त्री रहेका छन् ।
सरकारमा जाने सहमति भएपनि मन्त्रालयको टुंगो भने लागिसकेको छैन । अर्थ, आन्तरिक मामिला, वा कृषि मन्त्रालयमध्ये कुनै एउटा मन्त्रालय पाइने साहले जानकारी दिए ।
सरकारमा सहभागी हुने मन्त्रीहरुको शपथग्रहण भोलि हुने सांसद साहले बताएका छन् । यसअघि मुख्यमन्त्री राउतले कांग्रेसलाई सरकारमा सहभागी गराएका थिए ।
जसपाभित्र विवाद चर्किएपछि मुख्यमन्त्री राउतले अर्का अध्यक्ष महन्थ ठाकुर पक्षका सांसदलाई हटाएका थिए । त्यसपछि कांग्रेस र माओवादी सरकारमा सहभागी हुन सहमत भएका हुन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४