राजनीतिक बिशेष
माधव नेपालले नयाँ पार्टी पार्टी खोल्ने भएपछि ओली निकट नेताहरू तिलमिलाए
माधव नेपालले नयाँ पार्टी पार्टी खोल्ने भएपछि ओली निकट नेताहरू तिलमिलाए
काठमाडौं - यसपटक एमाले नेता माधवकुमार नेपालले ठूलै रिस्क लिन लागेका छन् । केपी ओलीको पेलान सहन नसकेपछि उनले नयाँ पार्टी खोल्न लागेका हुन् । नेता नेपालले नै नयाँ दल खोल्ने बताइसकेका छन् ।
एमालेको १५ वर्षसम्म महासचिव भएर चलाएका एवं पूर्वप्रधानमन्त्रीसमेत रहेका नेपालले नयाँ पार्टी गठन गर्ने भएपछि ओली क्याम्पमा भने भुइँचालो गएको छ ।
लुम्बिनी प्रदेशका मुख्यमन्त्री शंकर पोखरेल, योगेश भट्टराई, गोकुल बास्कोटा, महेश बस्नेतलगायत धेरै ओली निकट नेता तिलमिलाउन थालेका छन् ।
एमाले फुटतर्फ जाँदा उनीहरूले सामाजिक सञ्जालमार्फत प्रतिक्रिया जनाएका छन् । फुट र विभाजन कसैको हितमा नहुने भन्दै केही नेताले जिम्मेवार बन्न आग्रह गरेका छन् ।
गोकुल बास्कोटाले भने फुटेर जान चेतावनी दिएका छन् । ‘कसले के भने जनताले चुनेको सरकारलाई पटक पटक अप्राकृतिक समीकरणदेखि समीकरणसम्मको गोलचक्करमा रिङगाउने षडयन्त्र समाप्त।अब माधब–प्रचण्डले कुण्ठित ईच्छा अनुरुपको समीकरण बनाउनु र जनताले साथ दिएमा चौकादाउ हान्नु,जनताले कोल्याप्स हान्दिए भने सक्यो।गुनासोको काम छैन,’ बास्कोटाले लेखेका छन् ।
शंकर पोखरेलले लेखेका छन्– ‘विधि र पद्धतिको कुरागरेर नथाक्ने माधव कमरेडको नाममा संसदीय विधि र पद्धति उलंघनको कीर्तिमान कायम भएको सुन्नुपर्दा दुःख लाग्ने रहेछ।’
भर्खरै केपी ओली क्याम्पमा प्रवेश गरेका योगेश भट्टराईले लेखेका छन्– कार्बाही, प्रतिशोध र बदलाको राजनीतिले आजसम्म कसैलाई सही गन्तब्यमा पुर्याएको छैन् र पुर्याउँदैन् पनि । पौराणिक होस् वा आधुनिक बेलाका युद्धको शिक्षा यही हो । सबैले आफ्नो बिगतलाई हेरौ । धैर्य गरौ, संवाद गरौं ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४