राजनीतिक बिशेष
मेरियट होटलको वार्ता ‘नाटक मञ्चन’ मात्रै, ओलीले माधव पक्षलाई आजै थप कारबाही गर्ने
मेरियट होटलको वार्ता ‘नाटक मञ्चन’ मात्रै, ओलीले माधव पक्षलाई आजै थप कारबाही गर्ने
काठमाडौं - गत बुधबार र बिहीबार एमाले अध्यक्ष एवं प्रधानमन्त्री केपी ओली र वरिष्ठ नेता माधवकुमार नेपालबीच नागपोखरीस्थित पाँचतारे होटेल मेरियटमा भेटवार्ता भयो ।
ओली र नेपालबीच चार महिनापछि संवादहीनता तोडिएकोमा एमाले पार्टी पंक्तिमा खुसियालीको माहोल छायो । तर, भेटवार्ताको दोस्रो दिन ओलीले माधव पक्षलाई हदैसम्मको कारबाही गर्ने चेतावनी दिएपछि एमाले पार्टी पंक्तिमा निराशा छाएको छ ।
ओलीको दम्भ धरहराभन्दा पनि अग्लो भएको माधव नेपालले सार्वजनिक नै गरिसकेका छन् । आफ्नै पालामा आफूले सुरु गरेको धरहरा बनाएर उदघाटन पनि गरेपछि ओली अहिले मैमत्त बनेका छन् ।
शनिबार बिहान धरहरा उदघाटन गरेका ओलीले मध्यराति नै एमालेको केन्द्रीय कमिटीको आकस्मिक बैठक बोलाएर आजै माधव नेपाल पक्षलाई कारबाही गर्ने संकेत दिएका छन् ।
स्रोतका अनुसार आजै ओलीले माधव पक्षका नेतालाई स्पष्टीकरण चित्तबुझ्दो नभएको, पार्टी विभाजनमा लागेको आरोप लगाउँदै कारबाही गर्ने तयारी गरेका छन् ।
गत बुधबार र बिहीबारको ओलीले माधव नेपालसँग गरेको भेटवार्ता नाटक मात्रै भएको बताइएको छ । ‘मैले त मिलाउने कोसिस गरेकै हुँ, तर उहाँहरू मान्नु भएन’ भन्ने देखाउन ओलीले माधव नेपालसँग वार्ताको मञ्चन गरेको बुझिएको छ ।
ओली पक्षले माधव पक्षलाई माओवादी केन्द्रका अध्यक्ष पुष्पकमल दाहाल प्रचण्डको इसारामा हिँडेको आरोप लगाउँदै आएको छ । यदि अहिले नै ओली पक्षले माधव नेपालसहितका नेतालाई कारबाही गरे जेठ ७ गते हुने भनिएको राष्ट्रिय सभा निर्वाचनमा त्यसको असर पर्ने अनुमान गरिएको छ ।
ओलीले एमालेबाट गृहमन्त्री रामबहादुर थापा बादललाई बागमती प्रदेशबाट राष्ट्रिय सभाको उम्मेदवार बनाउने घोषणा गरेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४