माओवादीका यी ४ सांसदलाई बर्खास्त गर्ने प्रक्रिया अगाडि बढ्यो
माओवादीका यी ४ सांसदलाई बर्खास्त गर्ने प्रक्रिया अगाडि बढ्यो
काठमाडौं – पार्टी परित्याग गरी नेकपा एमालेतिर लागेका सांसदलाई नेकपा माओवादी केन्द्रले बर्खास्त गर्ने कार्य केन्द्रमा भइसकेको बेला २ नम्बर प्रदेशमा समेत कारवाही प्रक्रिया अगाडि बढेको छ ।
नेकपा माओवादी केन्द्रबाट नेकपा एमालेमा प्रवेश गरेका ४ जना प्रदेशसभा सदस्यलाई २४ घण्टे स्पष्टीकरण सोधिएको छ ।
माओवादीले संसदीय दलका नेता, उपनेता र प्रमुख सचेतक नयाँ चयन गरेको छ । दलको नेतामा भरतप्रसाद साह, उपनेता जगतप्रसाद यादव, प्रमुख सचेतकमा दिलिप साह र सचेतकमा रुबी कर्णलाई मनोनित गरिएको माओवादी केन्द्रले जनाएको छ ।
एमालेतिर लागेका नेताहरूलाई स्पष्टीकरण सोध्ने निर्णय भएको संसदीय दलका नेता भरतप्रसाद साहले बताएका छन् ।
स्पष्टीकरणको जवाफ २४ घण्टाभित्र नदिए वा पार्टीमा नफर्किए पार्टीबाट निष्कासन गरिने साहले बताएका छन् । संसदीय दलको नेताबाट हटाइएका सत्यनारायण मण्डल, कुन्दन साह, ज्वाला साह र मो. समिर अन्सारी माओवादी केन्द्र छाडेर एमालेमै छन् ।
२ नम्बर प्रदेशमा माओवादी केन्द्रका ११ जना सांसद रहेका छन् । पार्टीले निष्कासन गरेमा दल त्याग गरेको मानिने र सांसद पद समेत गुम्ने प्रावधान रहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४