मुख्य दोषी ४ नेताको नाम गगन थापाबाट खुलासा, कीर्तेप्रसाद ओलीदेखि प्रचण्डसम्म यसरी मुछिए !
मुख्य दोषी ४ नेताको नाम गगन थापाबाट खुलासा, कीर्तेप्रसाद ओलीदेखि प्रचण्डसम्म यसरी मुछिए !
काठमाडौं – नेपाली कांग्रेसका चर्चित युवा नेता, केन्द्रीय सदस्य तथा पूर्व मन्त्री गगनकुमार थापाले प्रतिनिधिसभा संसद विघटन गर्नेमा नेपाल कम्युनिस्ट पार्टी (नेकपा) प्रमुख ४ नेताहरू मुख्य दोषी रहेका खुलासा गरेका छन् ।
ललितपुरको गोदावरी नगरपालिकाको चापागाउँमा शनिवार बिहान आयोजित कांग्रेसको विरोधसभा कार्यक्रमलाई सम्बोधन गर्दै थापाले प्रधानमन्त्री केपी ओली, राष्ट्रपति विद्यादेवी भण्डारी, पुष्पकमल दाहाल ‘प्रचण्ड’ र माधवकुमार नेपाल संसद विघटनमा दोषी रहेका बताए ।
नेता थापाले संविधानलाई सही बाटोमा ल्याउन कांग्रेसका नेताहरु मिलेर आन्दोलन गर्नुपर्ने बताएका छन् । ‘एकजुट भएर, एकताबद्ध भएर संघर्ष गर्नुछ,’ नेता थापाले भने, ‘संविधानलाई सही बाटोमा ल्याउनुछ ।’
प्रधानमन्त्री ओलीको नाम कीर्तेप्रसाद ओली रहेको उनले बताए । ‘प्रधानमन्त्री खड्गप्रसाद ओलीको नाम केपी ओली होइन, कीर्तेप्रसाद ओली हो,’ थापाले भने, ‘संविधानमा नभएको प्रावधान टेकेर संसद विघटन गर्नुभएको छ ।’
संविधानको संरक्षक राष्ट्रपति विद्यादेवी भण्डारीले संविधानलाई एकपल्ट पनि नहेरी विघटन गरेको भन्दै उनले आक्रोश पोखे । ‘संविधान विपरीत संसद विघटन गर्ने राष्ट्रपति विद्यादेवी भण्डारी र प्रधानमन्त्री केपी ओली जति जिम्मेवार छन्, त्यति नै जिम्मेवार पुष्पकमल दाहाल ‘प्रचण्ड’ र माधवकुमार नेपाल पनि छन्,’ थापाले भने, ‘प्रधानमन्त्री बन्ने लोभमा संसद विघटन गर्ने अवस्था सिर्जना गरेका छन् । नेकपाको व्यक्तिगत मनमुटावले संसद विघटन भएको छ ।’
कांग्रेसभित्र सानातिना कुरा र मनमुटावलाई भुलेर नेकपा र नेकपाको सरकार विरुद्धको आन्दोलनलाई सशक्त बनाउन उनले अनुरोध गरेका छन् ।
‘सबै मनमुटाव भुलेर हामी एक हुनुपर्छ । संविधान मात्रै होइन । देश संकटमा परेको छ । संसद पुनःस्थापना हुनुपर्छ,’ नेता थापाले भने, ‘नेकपाभित्रको कलहले देशलाई बर्बाद बनाएका छन् । कुर्सीको लागि संविधान मिच्ने काम भएको छ । संसद विघटन जनताको लागि होइन ।’
नेकपाका नेताको टकरावले जनताले सजाय नभोग्ने समेत उनले बताए । ‘नेकपाले देश र जनताका लागि घात गरेको छ,’ उनले भने, ‘ओलीले संविधानमाथि अपराध गर्नुभएको छ । जनताले दण्ड दिन्छन् ।’
विरोध कार्यक्रममा नेपाली कांग्रेसका युवा नेता उदयशम्शेर राणा, ललितपुर कांग्रेसका सभापति मदनबहादुर अमात्य, मीनकृष्ण महर्जन, गजेन्द्र महर्जन, मुना अधिकारी सहितका नेता कार्यकर्ताहरूको उपस्थिति रहेको थियो ।
विरोध कार्यक्रममा नेवारी धिमे बाजा बजाइएको थियो । विरोध सभामा युवाहरूको व्यापक सहभागिता रहेको थियो भने विरोध जुलुसको युवा नेता मीनकृष्ण महर्जनले नेतृत्व गरेका थिए ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४