काठमाडौं - सरकार भ्रष्ट भएको र जनआकांक्षा विपरीत काम गरिरहेको भन्दै चौतर्फी आलोचना भइरहेको छ । देशमा स्थायीत्व, विकासको समृद्धिको अपेक्षा गरेर जनताले दुई तिहाइ बहुमतसहितको बलियो सरकार निर्माण गरेका हुन् ।

तर, सरकारले विकास र स्थायीत्वभन्दा पनि व्यक्तिगत स्वार्थ र आफन्तलाई भरपोषण गर्न अर्बौंका भ्रष्टाचार काण्डहरुमा मुछिएको छ पटक-पटक । सरकारले खरिद गर्ने हरेक सामग्रीमा भ्रष्टाचार र हरेक नियुक्तिमा योग्यभन्दा पनि आफन्त खोज्‍ने प्रवृतिले जनतालाई थप निराश बनाएको छ ।

यस्तो अवस्थामा सरकारल जनतालाई धोका दिइरहेका बेला प्रमुख प्रतिपक्षी दल नेपाल कांग्रेस जनताको आशाको केन्द्र बन्‍नु पर्थ्यो । तर, कांग्रेस पनि भ्रष्ट सत्ताको सारथी बनेको छ ।

हरेक भ्रष्टाचार काण्डमा प्रतिपक्षी पार्टी नेपाली कांग्रेसका सभापति शेरबहादुर देउवाको नाम आउन थालेपछि कार्कर्तामा निराशा छाएको छ । पछिल्लो समय आफ्नो सुधार्दै नयाँ नक्सा जारी गर्न दबाब दिएको र कोरोना महामारीमा सरकारविरुद्ध 'बोल्ड'रुपमा प्रस्तुत भएकोमा जनता देउवाप्रति केशी आशावादी थिए ।

तर, फेरि देउवाले नैतिक धरातल गुमाएका छन् । सरकारले गर्ने कुनै पनि नियुक्तिमा योग्‍य व्यक्ति ल्याउन प्रमुख प्रतिपक्षीले चर्को दबाब सिर्जना गर्नुपर्नेमा कांग्रेस सभापति देउवाले भ्रष्ट सत्तासँग भाग खोज्दै अतिभ्रष्ट काम गरेका छन् ।

यसले नेपाली कांग्रेसलाई ठूलो धक्का लागेको छ । सरकारले लामो समयपछि विश्वविद्यालयहरुमा उपकुलपति नियुक्ति गरेको छ । यस विषयमा देउवाले आफ्नो भाग खोज्दै राम्राभन्दा पनि हाम्राको नियुक्तिका लागि सरकारलाई सघाएका छन् ।

शनिबारमात्रै अस्ट्रेलियाको भिक्टोरिया राज्यकी स्वास्थ्यमन्त्रीले कोरोना महामारी नियन्त्रण गर्न नसकेको भन्दै नैतिकताका आधारमा पदबाट राजीनामा दिइन् ।

त्यही दिन शनिबार नेपालका स्वास्थ्यमन्त्रीले सरकार देश र जनताको काममा व्यस्त छ भन्दै भाषण गरे । मुलुकमा कोरोना संक्रमितको संख्या ७१ हजारभन्दा बढी भइसकेको छ ।

यस्तो अवस्थामा सरकारका गलत कामको खबरदारी गरेर सरकारले देखाउने लोभबाट टाढा बसेर जनतालाई साथ दिनुपर्नेमा भ्रष्टलाई देउवाले साथ दिएका छन् ।

त्रिभुवन विश्वविद्यालय, नेपाल संस्कृत विश्वविद्यालय, पोखरा विश्वविद्यालय, सुदूरपश्चिम विश्वविद्यालय, पूर्वाञ्चल विश्वविद्यालय, मध्यपश्चिम विश्वविद्यालय र कृषि तथा वन विज्ञान विश्वविद्यालयका उपकुलपतिहरूको पदावधि सकिएको एक वर्षपछि देउवाले भाग पाएपछि उपकुलपति नियुक्त भएका छन् ।

६ विश्वविद्यालयमध्ये चारवटामा सत्तारुढ दल नेपाल कम्युनिस्ट पार्टी (नेकपा) र दुईवटामा प्रमुख प्रतिपक्ष नेपाली कांग्रेसले उपकुलपति पाउने गरी देउवाले सरकारको भागबण्डामा सहभागी भएका छन् ।

कांग्रेस सभापति देउवाकै कारण लामो समयदेखि विश्वविद्यालयमा उपकुलपतिसहित अन्य पदाधिकारी, सेवा आयोगका अध्यक्ष र सदस्यको पदपूर्ति हुन सकेको थिएन ।

शुक्रबार सरकारले तीनवटा विश्वविद्यालयमा उपकुलपतिको टुंगो लगाएको छ । संस्कृत विश्वविद्यालय र कृषि तथा वन विज्ञान विश्वविद्यालयमा नेकपानिकट र पोखरा विश्वविद्यालयमा काँग्रेसनिकटलाई नियुक्ति दिइने भएको छ ।

नेपाल संस्कृत विश्वविद्यालयमा यादवप्रकाश लामिछाने तथा कृषि र वन विश्वविद्यालय चितवनमा डा. पुण्य रेग्मीलाई उपकुलपति नियुक्त गरिने भएको छ ।

रेग्मीको ठाउँमा प्रधानमन्त्री केपी शर्मा ओली शारदा थपलियालाई उपकुलपति बनाउने पक्षमा थिए । नेकपा अध्यक्ष प्रचण्डले आफ्नो निर्वाचन क्षेत्रको विश्वविद्यालयमा आफैले भनेको व्यक्ति उपकुलपति बनाउन जोडबल गरेपछि ओली पछि हटेका हुन् ।

लामिछाने पूर्व एमाले र रेग्मी पूर्व माओवादी समर्थित हुन् । त्यस्तै, पोखरा विश्वविद्यालयमा भने प्रा.डा प्रेमनारायण अर्याललाई नियुक्त गरिने भएको छ । पोखरा विश्वविद्यालयको उपकुलपतिका लागि नेकपा अध्यक्ष प्रचण्ड, प्रवक्ता नारायणकाजी श्रेष्ठ र शिक्षामन्त्री पोखरेलले छुट्टाछुट्टै नाम अघि सारेपछि प्रधानमन्त्री ओलीले काँग्रेसलाई जिम्मेवारी दिएको छ ।

काँग्रेस सभापति शेरबहादुर देउवासँगको छलफल र समझदारीअनुसार नै पोखरा विश्वविद्यालयमा अर्याललाई नियुक्ति दिइने भएको छ । काँग्रेसको भागमा संस्कृत विश्वविद्यालयको उपकुलपति परेको भए पनि प्रधानमन्त्री ओलीले आफ्नो पार्टीभित्र कुरा नमिलेपछि पोखरा विश्वविद्यालयको उपकुलपति थमाएको बुझिएको हो ।

सत्ता र प्रतिपक्षी बीच विश्वविद्यालयसँगै संवैधानिक आयोगमा पनि भागबण्डाको तयारी भइरहेको छ । प्रधानमन्त्री ओली, नेकपा अध्यक्ष प्रचण्ड र काँग्रेस सभापति देउवाबीच निरन्तर संवैधानिक आयोगमा नियुक्तिका लागि संवाद भइरहेको छ ।

यसरी भ्रष्ट सत्ताविरुद्ध खबरदारी गर्नुपर्ने पार्टी नेतृत्व भाग खोज्दै चाहर्ने भएपछि सभापतिमा रहिरहन देउवालाई कुनै नैतिकता छैन । देउवाले तत्काल पदबाट राजीनामा दिएर पार्टीलाई सुदृढ मार्गतर्फ हिड्‌नबाट रोक्‍नु हुँदैन ।

देउवाले तत्काल नैतिकताका आधारमा राजीनामा दिँदा उनले यसअघिका गरेका सयौं गल्तीलाई सम्भवत:जनताले माफी देलान् । नत्र देउवा भावी पिँढीका लागि पनि कलंकका पात्र बन्‍नेछन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ