काठमाडौं - गायिका एलिना चौहानको प्रेम सम्बन्ध एक वर्षमै टुटेको छ । एक वर्याअघि अष्ट्रेलियामा बस्ने विष्णुसँग एलिनाको प्रेम सम्बन्ध गाँसिएको थियो ।

गत वर्षको तिजमा सांगीतिक प्रस्तुतिका लागि एलिना अष्ट्रेलिया जाँदा विष्णुलाई भेटेकी थिइन् । त्यसपछि दुवै प्रेममा परेका थिए ।

विष्णु लोकदोहोरी प्रतिष्ठाको अष्ट्रेलिया शाखाका अध्यक्ष हुन् । एलिनाले पनि आफू प्रेममा परेको स्वीकार गरेकी थिइन् । एलिना र विष्णुले पटक–पटक फेसबुक लाइभमा सँगै आएर आफूहरूको प्रेम उजागर गरेका थिए ।

एलिनाले विष्णुसँग गत मंसिरमै विवाह हुन सक्ने बताउने गर्थिन् । विष्णुले केही समयदेखि एलिनालाई मानसिक तनाव दिइरहेको स्रोतले बताएको छ । आफ्नो चरित्रमाथि नै विभिन्न प्रश्न उठाउने, फोनमा गालीगलौज गर्न थालेपछि एलिना आजित बनेकी थिइन् ।

अन्ततः उनले अलग्गिने निर्णय लिएको बताइन्छ । विष्णु अहिले एक चर्चित म्युजिक भिडियो मोडलसँग नजिक रहेको बुझिएको छ।

एलिना अहिले सबैभन्दा डिमान्डेड गायिकामा पर्छिन् । ‘धोकेबाज हौ तिमी’ बोलको गीतले उनलाई चर्चाको शिखरमा पुर्‍याएको हो ।

यही गीतका कारण देश तथा विदेशका स्टेज शोहरुमा उनको अत्यधिक माग छ । ब्रेकअपको चर्चासँगै एलिनाको आवाजमा नयाँ गीत 'कट्टा हान्दिन्छु...' बजारमा ल्याएकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नरेश खातीको ‘मेरो बाबा भगवान’ चौतर्फी चर्चा

गायक शिव सागर खड्का र गायिका एलिना चौहानको स्वर रहेको गीत ‘निष्ठुरी भयौ रे’ सार्वजनिक

एलिना र खेमको आवाजमा रहेको 'कट्टा हान्दिन्छु....' रिलिज, आश्मा र ओबीको दमदार नृत्य देख्न पाइने [भिडिओ ]