काठमाडौं - राष्ट्रिय सभा निर्वाचनमा दुई सिटमै चित्त बुझाएको एकीकृत समाजवादीले आफ्नो पार्टीलाई थप एक मन्त्री नदिए सरकारबाट बाहिरिने चेतावनी दिएको छ ।

प्रधानमन्त्रीको सरकारी निवास बालुवाटारमा बसेको शीर्ष नेताको बैठकमा प्रधानमन्त्री पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपालबीच ठूलै बबाल भएको रहस्य खुलेको छ । केही दिनअघि गठबन्धनका शीर्ष नेताको बैठक बालुवाटारमा बसेको थियो ।

एकीकृत समाजवादीका अध्यक्ष नेपालले राष्ट्रिय सभा निर्वाचनको क्षतिपूर्ति थप एक मन्त्री पाउनुपर्ने प्रस्ताव गरेका थिए । तर प्रचण्ड र कांग्रेस सभापति शेरबहादुर देउवाले नसकिने आशय व्यक्त गरेपछि माधव नेपाल बम्किएको स्रोतले बतायो ।

हालका दुई मन्त्री र एक राज्यमन्त्रीसहित थप एक प्रभावशाली मन्त्रालय पाउनुपर्ने माधव नेपालको अडान छ। ‘सत्ता गठबन्धनको बैठकमा अध्यक्ष माधवकुमार नेपालले चार मन्त्रालय पाउनुपर्ने अडान राख्नुभएको थियो।

उहाँको माग सुनेपछि देउवा र प्रचण्डले सम्भव नहुने आशयका अभिव्यक्ति दिनुभयो, त्यसपछि अध्यक्षज्यूले माघ ११ गते हुने राष्ट्रियसभा निर्वाचनमा आफ्ना उम्मेद्वार पछि सारेर सहयोग गर्दा चार मन्त्रालय पाउनुपर्ने र नपाए सरकारबाटै बाहिरिनसमेत सक्ने चेतावनी दिनुभएको थियो।

उहाँको चेतावनीपछि शीर्ष नेताहरुबीच भनाभनसम्मकै स्थिति सिर्जना भएपछि अध्यक्षज्यू बैठकको बिचमा उठेर निस्किनुभएको थियो,’ स्रोतले भन्यो ।

आफू बैठकबाट उठेर हिँडेपछि गठबन्धनको बैठकमा पार्टीका उपाध्यक्ष राजेन्द्र पाण्डे र महासचिव घनश्याम भुसाललाई पठाएका थिए।

गठबन्धन दलका पछिल्ला बैठकहरुमा साना दलहरुले मन्त्रीको संख्या बढाउनुपर्ने माग गरेका र कांग्रेस तथा माओवादीमा प्रभावशाली मन्त्रालय हेरफेर गर्न माग र दबाब बढेको बैठकमा सहभागी नेताहरु बताउँछन्।

राष्ट्रिय सभा निर्वाचनमा असर नपरोस् भनेर प्रधानमन्त्री प्रचण्डले एकीकृत समाजवादीका एकलाई मन्त्री बनाउन लागेको बुझिएको छ। पूर्वपर्यटनमन्त्री प्रेम आले र पूर्वश्रममन्त्री किसान श्रेष्ठमध्ये एकजना मन्त्री बन्ने सम्भावना रहेको बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !