काठमाडौं - नेपाली कांग्रेसका एक वडाध्यक्षले आफूले जनप्रतिनिधिका रूपमा राज्यबाट प्राप्त भत्ता सबै सामाजिक सेवामा खर्च गरेका छन् ।

पाल्पाको रम्घा गाउपालिका–१ बाट विजयी ईश्वरी काफ्लेले एक वर्षको कार्यकालमा सेवासुविधाबाट प्राप्त भत्ता समाजसेवाका लागि खर्च गरेका हुन् ।

उनी २०७९ वैशाख ३० को स्थानीय निर्वाचनमा वडाध्यक्षमा विजयी भएका थिए । काफ्लेले एक वर्षको सेवासुविधाबापत तीन लाख ४४ हजार ५२० (कर कट्टी गरेर), बैठक भत्ता २० हजार र एनजिओ/आईएनजिओहरुको कार्यक्रम भत्ता १२ हजार पाँच सय गरी तीन लाख ७७ हजार २० रुपैयाँ प्राप्त गरेको उल्लेख गर्दै सबै रकम विभिन्न क्षेत्रमा खर्च गरेको जानकारी गरेका छन् ।

उनले आफ्ना आमाबाबुको हातबाट जनकल्याण मावि १–५ तहलाई निःशुल्क शिक्षाका लागि एक लाख, एम्बुलेन्स मर्मत खर्च ९८ हजार, कालीगण्डकी गुरुकुलका लागि ५१ हजार १ सय ११, मजुवा प्राविलाई ५१ हजार १ सय ११, वडा आपतकालीनका लागि ६४ हजार, सागर बोटे फरक क्षमता (व्हिल चेयर) प्रयोगकर्तालाई नौ हजार र पन्टार शौचालय हेरालुलाई ३५ सय रुपैयाँ हस्तान्तरण गरेको जानकारी दिएका छन् ।

काफ्लेले कार्यपालिका बैठकमा खाएको नास्ताको पैसा कार्यकालको अन्तिम वर्षमा सम्बन्धित ठाउँमा बुझाउने पनि घोषणा गरेका छन् । पाँच बर्ष नितान्त सेवाभावमा जनताको काममा लाग्ने उनको प्रण छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।