काठमाडौँ - नेपाली कांग्रेसका केन्द्रीय सदस्य जीतजंग बस्नेतले पार्टीभित्रै कांग्रेसलाई खुइल्याउने प्रवृत्ति बढेको भन्दै आक्रोश व्यक्त गरेका छन् ।

केन्द्रीय समितिको जारी बैठकमा शुक्रबार आफ्नो धारणा राख्दै उनले कांग्रेसका नेतामा अन्य दलका नेताहरूका गल्ती औंल्याउने क्षमता नदेखिएको बताए ।

बस्नेतले बालकृष्ण खाणलाई पक्राउ गरेकोमा गृहमन्त्रीलाई धन्यवाद दिन जाने कांग्रेस केन्द्रीय सदस्यहरूले सुनकाण्डमा मुछिएका नारायणकाजी श्रेष्ठ र कृष्णबहादुरमहराको विरोध गर्ने आँट नदेखाएको बताए ।

शरणार्थी काण्डमा अख्तियार प्रमुख प्रेमकुमार राईको नाम आउँदा पनि कांग्रेस नेताहरूले विरोध नगरेको उनको भनाइ थियो । उनले अरूको नाम आउँदा चुप लागेर बस्ने, तर आफ्नो पार्टीका नेताको नाम आउँदा राजीनामा माग्ने धारणा गलत भएको बताए ।

एक महिनामा २९ पटक एयरपोर्टबाट सुन भित्रिएको भन्दै बस्नेतले गृहमन्त्रीको राजीनामा माग्न जाने कि नजाने ? भन्ने प्रश्न गरे । ‘सुनकाण्डमा नारायणकाजीको नाम आयो, महराको नाम आयो । केपी ओलीको पनि नाम आएको छ । यो विषयमा नेपाली कांग्रेसले बोल्ने कि नबोल्ने ? हाम्रो साथीहरूको नाम आए चर्को चर्को कुरा गर्नुहुन्छ । जाऊ न त नारायणकाजीको नाम आइसकेको छ । अब उहाँको विषयमा राजीनामा माग्न जाऔं । को को मान्छे सुन तस्करीमा परेका छन् । यो सुनको विषयमा छानबिन हुने कि नहुने ? साथीहरू गृहमन्त्रीकोमा जाने कि नजाने ?’ उनले प्रश्न गरे । उनले अब नेपाली कांग्रेसले आर्थिक क्रान्ति गर्नुपर्ने र जनताको हकअधिकारको लागि लड्नुपर्ने धारणा राखे । नेता ,सांसद र मन्त्री जोकोही पनि बन्न सक्ने, तर राजनेता हुन सक्नुपर्ने बस्नेतको भनाइ थियो ।

कांग्रेस रुपान्तरण अभियानका मधु आचार्य, गुरु घिमिरेलगायतका नेताहरूले नक्कली शरणार्थी प्रकरणको छानबिनका क्रममा गृहमन्त्रीलाई भेटेर धन्यवाद दिएकोमा कांग्रेस बैठकमा संस्थापन पक्षका नेताहरूले तीव्र विरोध गरिरहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस र लाेकतन्त्र बचाउन तरूण सडकमा आउनुपर्नेछः जितजंग बस्नेत

तरुण दलले गर्यो वृद्धावस्था व्यवस्थापन गुठिमा फलफुल तथा स्वास्थ्य सामाग्री वितरण

तरुण दलले गर्यो पाटन र बीर अस्पतालमा स्वास्थ्य सामग्री वितरण

तरुण दलले स्थापना दिवसमा शिक्षण अस्पताललाई दियो स्वास्थ्य सामाग्री

कांग्रेस नेता भण्डारीले दिए १६ संस्थालाई ६६ थान अक्सीमिटर, तरुण दल अध्यक्षले गरे वितरण

पञ्चायतको गर्भबाट जन्मिएको कम्युनिस्टसँग सहकार्य र समझदारी हुँदैन : जितजंग बस्नेत