काठमाडौं - पछिल्लो समय श्री एयरलाइन्सले आफ्नो उडानमा ज्यादै लापरबाही गर्ने गरेको छ ।

चाहिनेभन्दा बढी गल्ती गर्न थालेपछि नेपाल नागरिक उड्डयन प्राधिकरणले श्रीका सबै उडान आइतबारका लागि रोक लगाएको छ ।

शनिबार काठमाडौंबाट धनगढीका लागि उडेको श्रीको उडान नम्बर २२५ जहाजमा प्राविधिक समस्या देखिएपछि क्याप्टेनले काठमाडौं नै फर्काएर सुरक्षित अवतरण गराएका थिए ।

त्यसैले आज सबै उडानहरु स्थगित गरेर जहाजको प्राविधिक परीक्षण सुरु गरेको छ । आगामी दिनमा प्राविधिक समस्या नदोहोरियोस् भनेर सबै विमानको सम्पूर्ण प्राविधिक परीक्षण गर्ने निर्णय लिएको श्री एयरलाइन्सले भने पनि क्यानले नै सबै उडानमा रोक लगाएको हो ।

यसअघि श्री एयरलाइन्सको ड्यास क्यू४०० जहाज काठमाडौंबाट भैरहवाका लागि उडान गर्दा इन्जिनबाट फायर वार्निङ आएपछि पुनः काठमाडौं फर्काएर आकस्मिक अवतरण गर्नुपरेको थियो ।

लगत्तै नागरिक उड्डयन प्राधिकरणले श्रीका सबै जहाज ग्राउन्डेड गरेर प्राविधिक जाँच गरेको थियो । क्यानका प्राविधिक टोलीले जाँच गर्दा सबै जहाज उडानयोग्य भेटिएपछि अर्को दिन नै उडान प्रतिबन्ध फुकुवा गरिदिएको थियो ।

श्रीले काठमाडौंबाट विराटनगर, भैरहवा, पोखरा र धनगढीमा दैनिक १७–१८ उडान गर्दै आइरहेको छ । आइतबार श्रीबाट उडान गर्न लागेका यात्रुलाई टिकटको पैसा रिफन्ड गर्नेदेखि सोमबारको उडानमा एडजस्ट गरिरहेको एयरलाइन्सले जनाएके छ ।

श्री एयरलाइन्ससँग आठवटा जहाज रहेका छन् । तर, लामो समयदेखि चारवटा जहाजबाट मात्रै उडान गर्दै आइरहेको छ । अहिले श्रीले एउटा सीआरजे र तीनवटा क्यू ४०० जहाजले मात्र उडान भरिरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

उड्दाउड्दै श्री एयरलाइन्सको जहाको इन्जिन फेल, कस्तो छ अवस्था

श्री एयरलाइन्सको जहाजमा लाग्यो आगो, तर सुरक्षीत अवतरण