काठमाडौं - नेपाली कांग्रेसका नेता एवं अर्थमन्त्री डा.प्रकाशशरण महतले ल्याएको बजेटमाथि कांग्रेसकै नेताहरूले असन्तुष्टि जनाएका छन् ।

प्रतिनिधिसभामा बजेटमाथिको छलफलमा भाग लिँदै कांग्रेस महामन्त्री गगन थापा, सांसद प्रदीप पौडेल र दीपक गिरीले असन्तुष्टि जनाएका हुन् । थापाले बजेटलाई अवास्तविक भने ।

पौडेलले धेरै ठाउँमा बजेट चुक भएको र थपघट गर्नुपर्ने बताए । गिरीले बजेटबाट सांसदको हैसियत वडाध्यक्षको तहमा पुगेको बताए । बजेट शीर्ष नेताको जिल्लामा छुट्याएको भन्दै उनले आपत्ति जनाए । कांग्रेस महामन्त्री थापाले बजेट अवास्तविक रहेको र यसलाई अर्थमन्त्री महतले स्वीकार गर्नसक्नुपर्ने बताए ।

उनले बजेटबाट ठूला व्यापारीमा चरम निराशा देखिएको र साना व्यापारी समस्यामा परेको बताए । न्यून आर्थिक वृद्धि, बेरोजगारी र मूल्यवृद्धिलाई नियन्त्रण गर्न नसकिएन डरलाग्दो अवस्था सिर्जना हुने उनको भनाइ छ ।

‘अवास्तविक बजेटलाई डिफेन्स गर्दागर्दै छोटो सिरक जस्तो, सिरक माथि तान्यो तल पुग्दैन, तल तान्यो माथि पुग्दैन, त्यसैले यसको वास्तविकतालाई स्विकार्नुपर्छ’, थापाले भने ।

बजेटको अनुमान गलत छ भनेर अर्थसचिवले नै भनिसकेको अवस्थामा यो अनुमानलाई कसरी परिणाममा ल्याउने भन्ने विषयमा सोच्नुपर्ने उनको भनाइ छ । ठूल्ठूला आयोजनाको कामलाई कसरी अघि बढाउने भन्ने स्पष्ट दृष्टिकोण हुन आवश्यक रहेको उनले बताए ।

कांग्रेस सांसद प्रदीप पौडेलले बजेटबारे सांसदहरुले दिएको सुझावलाई सम्बोधन गर्ने विधिबारे संसदलाई जानकारी गराउन सरकारसँग माग गरे ।

उनले प्रधानमन्त्री पुष्पकमल दाहाल प्रचण्डले सरकारको नीति तथा कार्यक्रममा छुटेका विषय बजेटमा सम्बोधन हुने बताएको उल्लेख गर्दै सो विषय कसरी समावेश गर्नु हुन्छ भनी अर्थमन्त्री महतसँग प्रश्नसमेत गरे ।

‘केही दिन अगाडि नीति तथा कार्यक्रमको बारेमा संसदमा छलफल भइरहँदा सम्माननीय प्रधानमन्त्रीज्यूले नीति तथा कार्यक्रममा सन्दर्भमा उठेका विषयहरुलाई बजेटमा समावेश गरिनेछ भनेर भन्नुभएको थियो । म माननीय अर्थमन्त्रीज्यूलाई प्रश्न गर्न चाहन्छु– हामीले छलफलमा उठाएका यी विषयहरुलाई तपाईले बजेटमा कसरी समावेश गर्नु हुन्छ ? यो संसदलाई स्पष्ट गराई दिनु हुन म अनुरोध गर्न चाहन्छु ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ