नारायणकाजी भन्छन् एउटा, गर्छन् अर्कै

मिडिया डबली

बुधवार, जेठ ३ २०८०

4.0K

काठमाडौं - नक्कली शरणार्थी प्रकरणमा पूर्वउपप्रधानमन्त्री, पूर्वगृहमन्त्री, बहालवाला सचिव, गृहमन्त्रीका सुरक्षा सल्लाहकारलाई पक्राउ गरेर वाहवाही कमाएका गृहमन्त्री नारायणकाजी श्रेष्ठले डबल रोल प्ले गरिरहेको बुझिएको छ ।

आफूलाई भेट्न आउने जोकोहीलाई पनि उनले जस्तोसुकै दबाब वा प्रभाव आए पनि छुट दिन नसकिने, कारबाही गरेरै छाड्ने भन्ने गर्छन् ।

तर आफूकहाँ आएको सूचना उनले एमाले अध्यक्ष केपी ओलीलाई चुहाउने गरेको देखिएको छ । बुधबार गृह मन्त्रालय पुगेका एकीकृत समाजवादी पार्टीका उपाध्यक्ष विजय पौडेल र प्रवक्ता जगन्नाथ खतिवडासहित नेताहरुको प्रतिनिधिमण्डलसँग कुराकानीका क्रममा उपप्रधानमन्त्री श्रेष्ठले नक्कली भुटानी शरणार्थी प्रकरणमा संलग्न सबै दोषीलाई कारबाहीका लागि प्रतिबद्धता जनाए ।

उनले जस्तोसुकै दबाब र प्रभाव आएपनि गृहमन्त्रीकारुपमा आफूले अनुसन्धानलाई प्रभावित हुन नदिने बताए । आफूलाई भेट्न आउने कांग्रेस, माओवादीसहित विभिन्न समूहका नेता कार्यकर्तासँग उनले अनुसन्धानमा प्रभाव पार्न नदिने बताउने गरेका छन् ।

कतिसम्म भने उनले एमाले अध्यक्ष ओलीलाई शरणार्थी प्रकरण देशद्रोह भएकाले जोसुकै भए पनि कारबाही गरेरै छाड्ने बताएको समाचार आएको थियो ।

तर एमालेका केही व्यक्ति पनि अनुसन्धानको घेरामा रहेको उनले ओलीलाई सूचना चुहाएको पाइएको छ । प्रहरी स्रोतका अनुसार श्रेष्ठले बालकोट पुगेर ओलीलाई राजेश बज्राचार्य र डा.अजयक्रान्ति शाक्यमाथि पनि प्रहरीले अनुसन्धान सुरु गरेको जानकारी दिएका थिए ।

‘त्यसबेलैदेखि हो ओलीले प्रधानमन्त्री प्रचण्डलाई घटना सामसुम पार्न दबाब दिएको,’ एक प्रहरी अधिकृतले भने । राज्यका सूचना यसरी विपक्षी दलका नेताकहाँ पुगेपछि प्रहरी पनि असन्तुष्ट बनेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि