काठमाडौं - तनहुँ १ मा राष्ट्रिय स्वतन्त्र पार्टीका उम्मेदवार डा.स्वर्णिम वाग्लेले जुन ढंगले मत ल्याइरहेका छन्, त्यो हेर्दा कांग्रेस, एमाले र माओवादीको समेत मत पाएको देखिएको छ ।

मंसिरको निर्वाचनमा नेपाली कांग्रेसका रामचन्द्र पौडेलले २६ हजार मत ल्याएका थिए । एमालेका उम्मेदवार एकबहादुर आलेले २० हजार मत ल्याएका थिए । त्यसबेला पनि कांग्रेसका उम्मेदवार पौडेललाई माओवादी र एकीकृत समाजवादीको समर्थन थियो ।

यसपटक पनि कांग्रेस उम्मेदवार गोविन्द भट्टराईलाई माओवादी र एकीकृत समाजवादीको समर्थन छ । तर १७ हजार मत गनिसक्दा वाग्लेको मत दुवै दलका उम्मेदवारको भन्दा दोब्बरभन्दा बढी छ ।

एमालेका उम्मेदवार सर्वेन्द्र खनालले तीन हजार पनि मत ल्याउन सकेका छैनन् । चुनावको अघिल्लो दिन नै तनहुँ १ एमाले र रास्वपाबीच तालमेल भएको चर्चा चलेको थियो ।

तर रवि लामिछानेले त्यसलाई अस्वीकार गरेका थिए । अहिले वाग्लेले जुन मत पाएका छन्, त्यो कांग्रेस, एमाले, माओवादी, गोविन्दराज जोशी समूह सबैको हो ।

खनाललाई एमालेका कार्यकर्ताले भोट नहालेको देखिएको छ । माओवादीले कांग्रेस उम्मेदवार भट्टराईलाई मत नहाल्ने पहिले नै अनुमान गरिएको थियो । किनकि कांग्रेसलाई साइजमा ल्याउन पनि रास्वपालाई अघि बढाउनुपर्ने धेरै माओवादीको मत थियो ।

त्यसैले बारामा माओवादीको मत रास्वपाका रमेश खरेल र चितवनमा रवि लामिछानेलाई नै जाने अनुमान गरिएको छ । माओवादीले कांग्रेसलाई साइजमा ल्याउन रास्वपालाई मत दिएर जिताएमा कालान्तरमा त्यसको असर सोही पार्टीले बेहोर्नुपर्ने देखिन्छ ।

उपनिर्वाचनको ट्रेन्ड विश्लेषण गर्दा अर्को चुनावमा माओवादी चौथो शक्ति पनि नहुने देखिन्छ । त्यसबेला रास्वपाले कांग्रेस र एमालेलाई आच्छुआच्छु पार्ने छ । त्यसपछि तराईमा सिके राउतले सबै दललाई पछाडि पार्ने अनुमान गर्न थालिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

राष्ट्रपतिको परराष्ट्र र आर्थिक सल्लाहकार नपाउँदैमा स्वर्णिमले कांग्रेस छाड्नुपथ्र्यो ?

तनहुँमा स्वर्णिम विरुद्ध खनिए किसान श्रेष्ठ