काठमाडौं- २०७९ सालमा देशमा तीन तहको निर्वाचन भयो । राष्ट्रपति, उपराष्ट्रपति, सभामुख, उपसभामुखको निर्वाचन भयो । सात सय ५३ वटै स्थानीय तहले सरकार पायो । सातै प्रदेशमा नयाँ सरकार गठन भए ।

देशमा जतिसुकै ठूला परिवर्तन भए पनि शासकको मति र गति परिवर्तन हुन सकेको छैन । जसले नागरिकमा ठूलो वितृष्णा पैदा गराएको छ । राजनीतिप्रति मोहभंग हुँदै गएको छ । युवामा पुराना दल र नेताप्रतिको विश्वास तीव्र ढंगले ओरालो लागिरहेको छ । यदि यस्ता विषयमा ध्यान दिन नसक्ने हो भने २०८० सालभरि नेपाली जनताले पहिलेको जस्तै समस्या भोग्नुपर्ने अवस्था छ । 

राज्यले जसरी जनतालाई डेलिभरी दिनुपर्ने हो त्यसबाट चुक हुँदै गएको छ । आयात बढ्दो क्रममा छ । निर्यात ठप्प जस्तो छ । व्यापार घाटा तीव्र रूपमा बढ्दा राजश्व संकलनमा कमी आइरहेको छ । यसले अहिले कर्मचारीलाई समेत ऋण गरेर तलब खुवाउने अवस्था आउनु भनेको सामान्य होइन ।

यदि वार्षिक १२ खर्ब रेमिट्यान्स नभित्रिने हो भने नेपालको अवस्था श्रीलंक र पाकिस्तानको भन्दा भिन्न हुन्नथ्यो । सबैभन्दा ठूलो समस्या पुँजी बजार ओरालो लाग्नु नै देखिएको छ । एक वर्षको समयमा नेपालीले १० खर्ब रुपैयाँ सेयर बजारबाट गुमाएका छन् । अब सरकार र राजनीतिक दलले यस्ता समस्याको पहिचान गरी नयाँ नीति बनाउनु पर्छ । नयाँ वर्षमा नयाँ संकल्पका साथ अघि बढेमा मात्र नागरिकका चाहना र इच्छा पूरा हुन सक्छन् । त्यसैले जनताको मानसिकता बुझ्न सरकारमा रहेका दल र नेताले ढिलाइ गर्नु हुन्न । जति ढिला भयो, त्यति विश्वासको संकट देखिने भएकाले सबैले सजग हुनु जरुरी छ ।

तीन वर्षदेखिको विश्वव्यापी कोभिड महामारीबाट नेपाल पनि अछुतो रहन सकेन । त्यसको प्रभाव नेपालमा पनि गहिरोसँग परेको देखियो । अझ रुस–युक्रेनबीच गर्त वर्ष फागुनबाट सुरु भएको युद्धले संसार नै प्रभावित बन्यो । कोभिड महामारीसँग जुधिरहेका बेला रुस–युक्रेन युद्धले विश्वमै आर्थिक मन्दीको चपेटामा पर्न पुगेको छ ।

त्यसको प्रभाव नेपाली जनताले पनि भोग्नुपरेको छ । देशमा तीनै तहको सरकार गठन भए पनि नागरिकको दुःख र कष्ट भने ज्यूँका त्यूँ छन् । ब्रेन ड्रेनको समस्या उच्च क्रममा छन् । दैनिक २५ सय वैदेशिक रोजगारीमा जाने र उच्च अध्ययनका क्रममा एक हजार दक्ष जनशक्ति विदेश भासिरहेको छ । उनीहरूसँगै राज्यको पुँजी पनि बाहिरिने क्रम जारी रहेकाले देशले संकटको सामना गर्नुपरिरहेको छ । तर अहिलेसम्म कुनै पनि दल गम्भीर बनेको देखिन्न ।

यदि नेपाली कांग्रेस, एमाले, माओवादी, एकीकृत समाजवादी, जसपा जस्ता ठूलो दल सच्चिएनन् भने राष्ट्रिय स्वतन्त्र पार्टी, नागरिक उन्मुक्ति, जनमत पार्टीले ठूला दलमा पहिरो ल्याउने निश्चित छ । अर्थतन्त्रमा देखिएको ठूलो समस्याले अहिले नागरिकलाई त्रस्त बनाएको छ । त्यसैले सरकारमा रहेकाले सच्चिनु जरुरी भइसकेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मंसीरमा हुने आम निर्वाचनमा विद्युतिय मतदान, देउवा सरकारको चौतर्फी प्रसंशा

सुरु भयो प्रतिनिधिसभा निर्वाचनको तयारी, आयोगले ल्यायो यस्तो कार्यतालिका !

आगामी निर्वाचनमा ७६ दल भिड्ने, तर देशभर कांग्रेसको लहर 

समानुपातिकमा भिड्ने भए यति धेरै दल, दिए निवेदन

आयोगको एक सूचनाले दलहरुमा खलबली, थपियो चटारो 

निर्वाचनमा यस्तो हुनेछ सुरक्षा प्रबन्ध, खाणले लिए बोल्ड सिसिजन