काठमाडौं– प्रधानमन्त्री पुष्पकमल दाहाल प्रचण्डले चैत ६ गते विश्वासको मत लिँदैछन् । उनी एमालेको समर्थनमा पुस १० गते प्रधानमन्त्रीमा नियुक्त भएका थिए । एमालेले फागुन १५ गते समर्थन फिर्ता लिँदै सरकारबाट बाहिरिएपछि प्रचण्ड अल्पमतमा परेका छन् । राप्रपाले फागुन १३ गते नै समर्थन फिर्ता लिँदै सरकारबाट मन्त्रीलाई फिर्ता बोलाएको थियो ।

एमाले र राप्रपाले समर्थन फिर्ता लिएपछि प्रचण्डको ४० प्रतिशत समर्थन घटेको छ । सोही कारण उनले चैत ६ गते विश्वासको मत लिन लागेका हुन् । तर, एमाले अध्यक्ष केपी ओली सोमबार प्रचण्डले विश्वासको मत नपाउने तर्क गर्छन् । बिहीबार आयोजित कानुनका विद्यार्थीसँगको अन्तरक्रियामा प्रचण्डले विश्वासको मत नपाए कांग्रेस नेतृत्वमा सरकार बन्ने बताए । यदि कांग्रेस नेतृत्वको सरकारले पनि विश्वासको मत पाउन नसके देश मध्यावधिमा जाने उनको आशा थियो ।

ओलीकै जस्तो अपेक्षा एमालेका केन्द्रीय सदस्य विष्णु रिजालको पनि छ । उनले शुक्रबार सोही आशयको स्टाटस लेखेका छन् । ‘पुष्पकमल दाहाल प्रचण्ड नेकपा एमालेको समर्थनमा २०७९ पुस १० गते प्रधानमन्त्री नियुक्त हुनुभएको थियो । तर, अहिले उहॉले नेपाली कांग्रेसलाई आफ्नो सहयात्री छनोट गर्नुभएको छ र नेकपा एमालेले समर्थन फिर्ता लिएको छ । यससँगै उहॉ प्रधानमन्त्री नियुक्त हुँदाको राजनीतिक आधार समाप्त भइसकेको छ । यस्तो अवस्थामा उहॉले एमालेको समर्थनबाट प्राप्त पदबाट राजीनामा दिएर नेपाली कांग्रेसको समर्थनमा प्रधानमन्त्री नियुक्त हुनु राजनीतिक र नैतिक इमानदारी हुन्छ,’ उनले लेखेका छन् । एमालेहरूलाई अझै पनि प्रचण्डले पूरा अवधि प्रधानमन्त्री नखाए हुन्थ्यो भन्ने देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

प्रधानमन्त्रीले ओलीले गरे दर्जनबढी गल्ती, उडाए संसदीय मर्यादाको धज्जी