काठमाडौं- जनमत पार्टीका अध्यक्ष डा. सिके राउतले वर्तमान सरकारलाई दिएको समर्थन फिर्ता गरेर प्रतिपक्षमा बस्ने संकेत गरेका छन् । पहिले गरेको सहमतिविपरीत मन्त्रालय छुट्याइएपछि राउतले आक्रोश व्यक्त गरेका छन् । यसलाई उनले मधेस केन्द्रित दलहरूमाथि बुलडोज लगाएको निष्कर्ष निकालेका छन् ।

मंगलबार प्रधानमन्त्री पुष्पकमल दाहाल प्रचण्डले मन्त्रिपरिषद विस्तार गर्दा मधेसी र थारूलाई राज्यबाटै बहिष्करण गरिएको राउतको आक्रोश छ । बुधबार राति ट्विटर ह्यान्डलमा उनले जनमत पार्टीलाई मात्र नभई जसपा, लोसपा र नागरिक उन्मुक्ति पार्टी सबैलाई पाखा लगाएको उल्लेख गरेका छन् । 

जनमत पार्टी मात्र होइन, जसपा र लोसपा जनमत र नाउपा सबैलाई पाखा लगाउँदै शासकवर्गले बूलडोज गरेको उनको आक्रोश छ। सत्ता साझेदारहरुलाई चरम नश्लवादीको संज्ञा दिँदै मधेसले यसको प्रतिकार गर्ने राउतले चेतावनीसमेत दिएका छन् । ‘चरम नश्लवादीहरूको झुण्ड पूरै मधेसी र थारूलाई राज्यबाटै बहिष्करण गर्दै, यो देश तिम्रो होइन भन्दै, अधिकार खोस्दै, दमन शोषण गर्न अगाडि बढे़का हुन्। मधेसले यसको प्रतिकार गर्नेछ,’ उनले लेखेका छन् ।

जनमत पार्टीले सुरुमै एकजना मन्त्री सरकारमा पठाइसकेको छ। सो पार्टीलाई उद्योग, वाणिज्य तथा आपूर्ति मन्त्रालय दिने सहमति थियो। तर अहिले खानेपानी तथा सरसफाइ मन्त्रालय दिइएको छ । मन्त्रालयमा चित्त नबुझेर अब्दुल खान मंगलबार शपथका साथै मन्त्रालयमासमेत गएनन्। अहिलेसम्म उनी सिंहदरबार गएका छैनन् ।

एमाले, माओवादी, राप्रपा र राष्ट्रिय स्वतन्त्र पार्टी मिलेर आफूखुसी सरकार चलाएपछि यसको असर सभामुख र राष्ट्रपति निर्वाचनमा देखिने भएको छ । आज हुने सभामुख निर्वाचनमा जनमतले पनि कांग्रेस उम्मेदवार ईश्वरी न्यौपानेलाई भोट हाल्ने बताइन्छ । राष्ट्रपति निर्वाचनमा एमाले उम्मेदवारलाई हराएर देखाइदिने अभियानमा मधेसवादी दल लागेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मधेसमा प्रभु साह र सिके राउत मिले उपेन्द्र यादवको राजनीतिक भविष्य सकिने

सिके राउतको दौडधुप बढ्यो, देउवापछि भेटे गृहमन्त्री खाण 

मधेसमा उपेन्द्र यादवले १५ वर्ष खाए, अब १० वर्ष सिके राउतको पालो

सिके राउत सरकारमा जान तयार, तर राखे यस्तो शर्त 

रेशम चौधरी र सिके राउतको पार्टी मिले, के हो कारण?

सिके राउत हात धोएर लागेपछि उपेन्द्र बारा २ बाट उठ्न डराए