काठमाडौं - प्रतिपक्षमै बस्ने गरी सरकारलाई विश्वासको मत दिएको विषयले कांग्रेसमा तीव्र असन्तुष्टि फैलिएको छ । प्रधानमन्त्री पुष्पकमल दाहाल प्रचण्डलाई विश्वासको मत दिइएको विषयले कांग्रेसमा संस्थापनइतर समूहका दोस्रो तहका नेताहरू असन्तुष्ट बनेका हुन् ।

पार्टीको यो निर्णयबाट आमकांग्रेसजन खुसी देखिएका छैनन् । अझै शुभचिन्तक र समर्थक त भाँडिएका छन् । सामाजिक सञ्जालमा कांग्रेसको आलोचना कम भएको छैन ।

विश्वासको मत पनि दिने, अनि प्रतिपक्षमै रहने निर्णय विरोधाभासपूर्ण रहेको भन्दै कांग्रेसका संस्थापन इतर समूहका युवा नेताहरूले नेतृत्वप्रति आक्रोश पोखेका छन् ।

नेताहरूले सरकारलाई समर्थन गरिसकेको अवस्थामा प्रतिपक्षीका रूपमा खबरदारी गर्ने आधार र औचित्य नरहेको भन्दै पार्टी नेतृत्वको विरोध गरेका हुन् । डा.मिनेन्द्र रिजाल, गुरुराज घिमिरे, जगदीश्वरनरसिंह केसी, भूपेन्द्रजंग शाहीलगायतका नेताहरु निकै क्रुद्ध देखिएका छन् ।

संसदीय प्रणालीमा प्रतिपक्षविहीन संसद् बनाउने गरी नेतृत्वले गरेको निर्णय अस्वाभाविक भएको नेता रिजालको तर्क छ । ‘लोकतन्त्रमा सरकार र प्रतिपक्षको सम्बन्ध स्वस्थ प्रतिस्पर्धा, आलोचना, खबरदारी र विकल्प प्रस्तुतिको हुनुपर्दछ ।

प्रधानमन्त्रीमाथिको विश्वासको मतको प्रस्तावको विपक्षमा मत दिनुले सम्बन्ध वैमनस्यताको बन्दैन । त्यसैले यो प्रस्तावको पक्षमा मत दिने कांग्रेसको निर्णय अस्वाभाविक छ,’ रिजालले भनेका छन् ।

कांग्रेसले सशक्त प्रतिपक्षीको भूमिका खेल्नुपर्ने धेरैको भनाइ छ । प्रचण्डलाई विश्वासको मत दिएपछि कांग्रेसमा मात्र होइन, अन्य दलमा पनि शंकाको आगो फैलिएको छ । कांग्रेसले प्रचण्डलाई विश्वासको मत दिँदैछ भन्ने सुनेको दिनदेखि एमाले अध्यक्ष केपी ओलीको निद्रा खलबलिएको छ ।

उनी चैनसँग बस्न सकेका छैनन् । जुन कुरा मंगलबारको संसद् बैठक, बुधबार राप्रपाले आयोजना गरेको चियापान कार्यक्रम र बालकोटमा प्रधानमन्त्री प्रचण्डसँगको भेटमा ओलीको अनुहारले प्रस्ट पार्छ ।

गोरखाबाट सिधै बालकोट आइपुगेका प्रचण्डलाई ओलीले कांग्रेसले विश्वासको मत दिँदा कुनै गोप्य सहमति त भएको छैन नि भन्दै केरकार गरेका थिए । प्रचण्डले त्यस्तो कुनै सहमति नभएको प्रस्टीकरण दिएका थिए ।

ओलीले दिउँसो भृकुटीमण्डपमा आयोजित राप्रपाको चियापानमा गृहमन्त्री रवि लामिछाने र राप्रपा अध्यक्ष राजेन्द्र लिङ्देनसँग प्रचण्डको कुनै भर नहुने भन्दै सत्ता गठबन्धन जुनसुकै बेला टुट्न सक्ने भन्दै सजग गराएको बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?