काठमाडौं - प्रतिनिधिसभाका नवनिर्वाचित सांसदहरुले आज पद तथा गोपनीयताको शपथ लिँदैछन् । सांसदहरु संसद् प्रवेश गरेलगत्तै नयाँ सरकार गठनको तयारी तीव्र ढंगले अघि बढ्नेछ । नेताहरुका अनुसार आगामी पुस १५ गतेसम्म केन्द्रमा नयाँ सरकार बनिसक्नेछ ।

दलहरुले बिहीबारदेखि नै सरकार गठनको प्रयास गर्ने भएका छन् । नेपाली कांग्रेसका सभापति एवं प्रधानमन्त्री शेरबहादुर देउवाले गठबन्धनको बैठक बोलाउने तयारी गरेका छन् । अब शक्ति बाँडफाँडमा दलहरु केन्द्रित हुने भएका छन् ।

जसमा ३५ वटा पदबारे छलफल सुरु हुनेछ । अहिलेसम्म सत्तारुढ गठबन्धनकै सरकार बन्ने सम्भावना छ । अहिलेको गठबन्धनमा जसपा र जनमत पार्टी पनि सामेल हुने भएका छन् । जसपा र जनमत पार्टी यदि सत्तागठबन्धनमा सामेल भएमा सात प्रदेश र केन्द्र सरकार कांग्रेस नेतृत्वमै बन्नेछ ।

एमाले पाँच वर्षसम्मै सडकमै हुने निश्चित छ । अंकगणितका आधारमा सातै प्रदेशसमा एमाले सत्ता बाहिरै रहने देखिन्छ । प्रदेश १ मा जसपाको एक मत निर्णायक छ । प्रदेश १ को ९३ सदस्यीय प्रदेशसभामा बहुमतको सरकार गठनका लागि ४७ मत चाहिन्छ ।

सत्ता गठबन्धन र एमाले–एमाले गठबन्धनको बराबर ४६–४६ मत रहेको छ । यहाँ जसपाको एक मत निर्णायक हुने छ । जसपा सत्तागठबन्धनमा सामेल भएमा एमालेको सरकार बनाउने सपना तुहिने छ । एमालेले सरकार गठन गर्न सक्ने मत प्रदेश १ मा मात्र पाएको छ ।

अन्य प्रदेशमा एमालेलाई धेरै नै मुस्किल पर्ने देखिन्छ । प्रदेश १ मा पनि जसपाको १ मत मै निर्भर रहन्छ । त्यसैले प्रदेश १ मा सरकार गठन गर्न नसके एमाले सातै प्रदेशमा सत्ता बाहिर रहन्छ । मधेस प्रदेशको कुल प्रदेश सभा सदस्य संख्या १०७ रहेको छ ।

यहाँ बहुमतको सरकार गठन गर्न ५४ मत आवश्यक पर्छ । यहाँ सत्तारुढ गठबन्धन दलको ४६ मत रहेको छ । यस्तो अवस्थामा सरकार गठनका लागि सत्ता गठबन्धनलाई थप आठ मत आवश्यक पर्छ । मधेसमा जसपाको १६ मत रहेको छ ।

जसपा गठबन्धमा फर्कने हो भने मधेसमा पनि गठबन्धनको सरकार सहजै बन्छ र एमाले सत्ता बाहिर बस्नुपर्ने अवस्था बन्छ । तर, जसपा नआए पनि यहाँ गठबन्धनकै सरकार बन्ने देखिन्छ । जनमत पार्टीसँग १३ सांसद छन् । जनमत पनि सरकारमा सामेल हुने तयारीमा छ ।

बागमती प्रदेशसभा सदस्यको कुल संख्या ११० रहेको छ । यहाँ बहुमतको सरकार गठनका लागि ५६ मत चाहिन्छ । कांग्रेसको ३७, माओवादीको २१, एकीकृत समाजवादीको सात गरी सत्ता गठबन्धनसँग ६५ मत रहेको छ । यहाँ गठबन्धनले सहजै सरकार बनाउन सक्छ ।

एमालेको २७ र राप्रपाको १३ गरी एमाले गठबन्धनको ४० मत रहेको छ । जुन मत सरकार गठनका लागि १६ अपुग हो । यहाँ नेपाल मजदुर किसान पार्टीको तीन र हाम्रो नेपाली दलको दुई मत रहेको छ । यी दुई दलको समर्थन पाए पनि एमालेले सरकार गठन गर्न सक्दैन । गण्डकी प्रदेशसभाको कुल संख्या ६० रहेको छ । यहाँ सरकार गठनका लागि ३१ मत चाहिन्छ । यहाँ पनि वर्तमान सत्ता गठबन्धनलाई सरकार गठनका लागि सहजै बहुमत पुग्छ ।

कांग्रेसको २७, माओवादीको आठ, एकीकृत समाजवादीको एक गरी सत्ता गठबन्धनसँग ३६ मत रहेको छ । यो मत सरकार गठनका लागि सहज बहुमत हो । त्यसैगरी एमालेको २२ र राप्रपाको २ मत गरी एमाले–राप्रपा गठबन्धसँग २४ मत रहेको छ । एमाले–राप्रपा गठबन्धनलाई सरकार गठनका लागि सात मत पुग्दैन । लुम्बिनी प्रदेशसभाको कुल सदस्य संख्या ८७ रहेको छ । यहाँ सरकार गठनका लागि ४४ मत आवश्यक हुन्छ ।

लुम्बिनीमा गठबन्धन दलसँग ४१ मात छ । सरकार गठनका लागि गठबन्धनलाई ३ मत पुग्दैन । यहाँ एमाले गठबन्धनको ३३ मत मात्र रहेको छ । एमालेलाई सरकार गठनका लागि ११ मत पुग्दैन । लुम्बिनीमा जसपाको तीन मत रहेको छ ।

सपा गठबन्धनमा फर्कने हो भने गठबन्धनलाई सरकार गठन गर्न आवश्यक मत पुग्छ । यस्तो अवस्थामा यहाँ पनि एमाले सरकार बाहिर बस्नुपर्ने अवस्था बन्छ । कर्णालीको कुल प्रदेशसभा सदस्यको संख्या ४० रहेको छ । यहाँ बहुमतको सरकार गठन गर्नका लागि २१ मत चाहिन्छ । कर्णालीमा कांग्रेसको १४, माओवादीको १३ र एकीकृत समाजवादीको एक गरी सत्तारुढ दलको २८ मत रहेको छ ।

एमालेको १० र राप्रपाको १ गरी एमाले–राप्रपा गठबन्धनको ११ मत रहेको छ । यहाँ एमाले नेतृत्वमा सरकार गठनका लागि १० मत पुग्दैन । यसरी हेर्दा कर्णालीमा सत्तारुढ गठबन्धनकै सरकार गठन हुने देखिन्छ । कर्णालीमा एक स्वतन्त्र मत छ । सुदूरपश्चिम प्रदेशसभा ५३ सदस्यीय रहेको छ ।

यहाँ बहुमतको सरकार गठनका लागि २७ प्रदेशसभा सदस्य चाहिन्छ । सुदूरपश्चिममा कांग्रेसको १९, माओवादीको ११ र एकीकृत समाजवादीको चार गरी सत्तारुढ दलको ३४ मत रहेको छ । यस आधारमा गठबन्धनले सहजै सरकार गठन गर्न सक्छ ।

यहाँ एमालेको १० र राप्रपाको एक गरी ११ मत रहेको छ । एमाले–राप्रपा गठबन्धनको सरकार गठनका लागि १६ मत पुग्दैन । त्यति मात्रै नभएर बाँकी सबै दलको मत पाउँदा पनि एमालेले सरकार गठन गर्न सक्दैन । सुदूरपश्चिममा नागरिक उन्मुक्ति पार्टीको सात र एक मत स्वतन्त्र रहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?