काठमाडौं - निर्वाचन सकिएर देश अब नयाँ सरकार गठनको तयारीमा प्रवेश गरेको छ । तर कुनै पनि दलले स्पष्ट बहुमत नल्याउँदा कस्तो सरकार बन्छ भन्ने अहिले नै भन्न सकिने अवस्था छैन ।

यसपटकको निर्वाचनमा एकीकृत समाजवादीले प्रत्यक्षमा १० सिट जिते पनि राष्ट्रिय पार्टी बन्न असफल रह्यो । एकीकृत समाजवादीका अध्यक्ष माधवकुमार नेपालले आफ्नो पार्टीले समानुपातिकमा २० लाख ल्याउने दाबी गरेका थिए । तर तीन लाख पनि ल्याउन नसक्दा राष्ट्रिय पार्टी बन्न सकेन ।

राष्ट्रिय पार्टी बन्न नसके पनि माधव नेपाल अहिले एमाले छाडेका नेताहरूलाई पार्टी प्रवेश गराउने अभियानमा जुटेका छन् । जसमा घनश्याम भुसाल र प्रभु साह पहिलो नम्बरमा परेका छन् । भुसाल सांसद निर्वाचित हुन सकेनन् ।

तर, साह भने स्वतन्त्र उम्मेदवारी दिएर विजयी हुन सफल भए । शनिबार मात्रै एमालेले आफ्नो पार्टीको सूचीबाट भुसाल र साहको नाम हटाएको छ । जबकि दुवैले कात्तिकमै पार्टी छाडिसकेका थिए । चुनावताका नै प्रभु साह र माधव नेपालबीच एक किसिमको सहमति भइसकेको बुझिएको छ ।

प्रभु साहलाई आफ्नो पार्टीमा ल्याउन माओवादी केन्द्रका अध्यक्ष पुष्पकमल दाहाल प्रचण्डले पनि निकै प्रयास गरेका छन् । तर एकचोटि पार्टी छाडिसकेकाले साहले फेरि माओवादी प्रवेश गर्ने इच्छा देखाएका छैनन् । बरु उनी माधव नेपाल नेतृत्वको एकीकृत समाजवादीमा भने अटाउन सक्ने संकेत गरेका छन् ।

नेपाल र साह दुवै रौतहटवासी हुन् । यो निर्वाचनमा पनि दुवैले भित्री गठबन्धन गरेका थिए । उता घनश्याम भुसाल भने केही दिनभित्रै एकीकृत समाजवादीमा प्रवेश गर्ने भएका छन् । विगतमा एमालेमा विवाद हुँदा पनि भुसालले माधव नेपाललाई नै साथ दिएका थिए ।

तर अन्तिममा उनी एमालेमै रहे । एमाले अध्यक्ष केपी ओलीको कोपभाजनको सिकार भएपछि उनी सो पार्टीमा रहन सकेनन् । अन्ततः पार्टी नै छाडे । उनलाई एमालेले उम्मेदवारसमेत बनाएन । नेपाली कम्युनिस्ट नेताहरूमा भुसालको छवि बौद्धिक नेताको छ ।

यदि घनश्याम र प्रभु साहलाई माधव नेपालले एकीकृत समाजवादीमा ल्याउन सकेमा सो पार्टीको संगठन निकै मजबुत हुने विश्लेषण गरिएको छ । किनकि माधव नेपाल संगठन निर्माणमा कुशल नेता हुन् । अहिलेको एमाले पनि नेपालकै नेतृत्वमा संगठित र बलियो भएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रधानमन्त्रीले युरिया मल पैंचो माग्नुपरेपछि घनश्याममाथि ओली र बाबुरामको प्रहार

प्रचण्डका घरबेटीको बचाउ गर्दै कृषिमन्त्री भुसाल, मल अभावबारे दिए यस्तो अभिव्यक्ति

प्रचण्डका घरबेटीसामु कृषिमन्त्री भुसाल निरीह, कारबाही गर्ने दिन भदौ २० को मिति नाघ्यो

प्रचण्डका घरबेटीको दिन गन्ति सुरु, यस्तो छ भित्रि खेल !

अन्ततः प्रचण्डका घरबेटीमाथि भयो कारबाही !

प्रचण्डका घरबेटीको धरौटी जफत गर्दैमा कृषिमन्त्रीज्यू तपाईको नाक जोगियो त ?