काठमाडौं- एमाले अध्यक्ष केपी ओली आफूलाई चर्चामा ल्याउन माहिर छन् । झन्डै दुई तिहाइको सरकार चलाउन नसकेर प्रधानमन्त्रीबाट पदच्यूत भएका ओली केही न केही फन्डा गरिरहेका छन् । जसले मिडिया र सामाजिक सञ्जालमा उनको चर्चा हुने गरेको छ ।

अहिले उनी प्रधानमन्त्री शेरबहादुर देउवालाई ‘लाइभ डिबेट’ को आह्वान गरेर चर्चामा आएका छन् । आगामी प्रदेश र प्रतिनिधिसभा निर्वाचनको एजेन्डाबारे उनले प्रत्यक्ष अन्तरक्रियामा सहभागी हुन उनले देउवालाई चुनौती दिएका छन् । तर ओलीले दिएको चुनौती देउवाले सुनेको नसुनेझैं गरिदिएपछि फेरि उनले अर्को फन्डा निकालेका छन् । त्यो हो सामाजिक सञ्जालमा नागरिकसँग प्रत्यक्ष टेलिफोन संवाद । आज (शुक्रबार) ओलीले प्रत्यक्ष टेलिफोन संवाद गर्न लागेका छन् । पूर्वनिर्धारित कार्यक्रमअनुसार ओलीले नागरिकका प्रश्नको जवाफ दिने भएका हुन् । ओलीसँग कुरा गर्न एक लाख ७१ हजार ७८३ जनाले नाम र नम्बर टिपाएको उनको सचिवालयले जनाएको छ ।

‘यो उत्साहपूर्ण सहभागिताका लागि मुरीमुरी धन्यवाद,’ ओलीले लेखेका छन् । धेरै सहभागिता भएको भन्दै बिहीबार दिउँसो २ बजेपछि नाम टिप्न बन्द गरिएको थियो । नागरिकसँग प्रत्यक्ष टेलिफोन कुराकानी गर्ने र आफ्नो फेसबुक पेजमा मोबाइल नम्बर म्यासेज गर्न ओलीले गत मंगलबार अनुरोध गरेका थिए । तर भरपर्दो स्रोतका अनुसार ओलीले आफ्नै दलका कार्यकर्तासँग संवाद गर्न लागेका हुन् । यतिबेला उनको फ्यान फलोइङ ह्वात्तै घटेको छ । सामाजिक सञ्जालमा पनि उनीमाथि तीव्र आलोचना भइरहेको छ । यस्तो बेला कोही पनि उनीसँग कुराकानी गर्न त्यति इच्छुक देखिने कुरा पनि हुँदैन ।

तर, एमालेका समर्थक र कार्यकर्ता भने पार्टी अध्यक्षको लोकप्रियता धेरै भएको देखाउन र आगामी निर्वाचनमा त्यसको फाइदा बटुल्न पौने दुई लाखले नाम र टेलिफोन नम्बर टिपाएको प्रचार गर्न लागिपरेका छन् । छोटो समयमा एक व्यक्तिसँग पौने दुई लाखले कुराकानी गर्न सम्भव पनि हुँदैन । तर, एमाले पार्टीपंक्ति भने त्यसलाई अर्कै ढंगले प्रचार गर्न लागिपरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?