आजको विशेष
प्रचण्डले देउवालाई फकाउँदै सिटमा धेरै भाग खोजेपछि शेखर समूहले आज ‘गम्भीर’ निर्णय गर्दै
प्रचण्डले देउवालाई फकाउँदै सिटमा धेरै भाग खोजेपछि शेखर समूहले आज ‘गम्भीर’ निर्णय गर्दै
काठमाडौं - नेपाली कांग्रेसमा प्रतिनिधिसभाको समानुपातिक सूचीले बबन्डर उत्पन्न भएको छ । संस्थापन पक्षले एकलौटी ९० प्रतिशत भाग आफूलाई राखेर १० प्रतिशत इतर समूहलाई दिएपछि बबन्डर भएको हो ।
यदि संस्थापन पक्षले समानुपातिक बन्दसूची नसच्याए, ४० प्रतिहत आफूलाई नदिए तथा प्रत्यक्षतर्फ सम्मानजक सिट नदिए डा.शेखर कोइराला समूहले निर्वाचन नै बहिष्कार गर्ने भएको छ ।
कोइराला समूहले संस्थापन पक्षलाई वाकओभर दिएर चुनावमा गठबन्धनका उम्मेदवारलाई भोट नहाल्ने, रुखलाई मात्र हाल्ने र एमालेसँग चुनावी तालमेल गर्ने भएको छ ।
माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्री बन्न कांग्रेस सभापति शेरबहादुर देउवालाई फकाई फुल्याई गरी धेरै सिटमा दाबी गरेपछि कांग्रेसको इतर समूहले बोल्ड डिसिजन गर्न लागेको हो ।
कोइराला पक्षका युवा नेताहरू नेतृत्वलाई दबाब दिन दोस्रो चरणको कार्यक्रम कसरी अघि बढाउने भनेर रणनीति बनाउँदै छन् । उनीहरूको बैठक ठमेलको होटल यात्रीमा सुरु हुँदैछ ।
शनिबार खबरदारी सभामा कांग्रेस युवा नेता गुरु घिमिरेले आन्दोलन विनम्रताको चरण, आक्रोशको चरण र विद्रोहको चरण गरि तीन चरणमा बाँडिएको जानकारी दिएका थिए ।
आक्रोशको चरणको लागि उनीहरूको रणनीति बैठकले तय गर्नेछ । पार्टीको संसदीय बोर्डको बैठक भएको ठाउँमा शीर्ष नेतालाई घेर्ने, पार्टी कार्यालयमा रिले अनशन वा आमरण अनशन बस्नेलगायतका कार्यक्रमहरूबारे बैठकमा छलफल हुने एक नेताले जानकारी दिए ।
उनीहरूले समानुपातिक सूची सच्याउनुपर्ने, न्यायोचित रूपमा टिकट वितरण हुनुपर्ने र ४० प्रतिशत हिस्सा दिनुपर्नेलगायतका माग अघि सारेका छन् ।
कोइराला समूहको यो चेतावनीसँगै माओवादी केन्द्रका अध्यक्ष प्रचण्डले सोमबार चितवनमा आफू प्रधानमन्त्रीको रेसमा नरहेका घोषणा गरेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४