काठमाडौं - चलचित्र विकास बोर्डका अध्यक्ष भुवन केसीले आफ्नो छोरा अनमोल केसीको स्टारडम प्रदीप खड्काले छायाँमा पार्ने डरले ‘प्रेमगीत ३’ लाई रोक्न अनेक हथकण्डा अपनाइएको आशंका गरेका छन् ।

हुन पनि अहिले प्रदीप खड्काको छवि अन्तर्राष्ट्रिय स्तरमा पुगेको छ । ‘प्रेमगीत ३’ हिन्दीपछि चाइनिज र उर्दू भाषामा डब गरेर चीन र पाकिस्तानमा पनि रिलिज हुने भएको छ ।

यदि यसो भएमा प्रदीप खड्काले नेपालका सबै कलाकारलाई ओझेलमा पार्नेछन् । त्यही भएर भुवन केसी अहिले ‘प्रेमगीत ३’ रोक्न लागिपरेको धेरैको अनुमान छ ।

‘प्रेमगीत ३’ का कारण नेपाली चलचित्र क्षेत्र दुई चिरामा विभाजन भएको छ । एक से एक नाम चलेका कलाकार अहिले एक अर्को ध्रुवमा खडा भएका छन् । ‘प्रेमगीत ३’ अहिले नेपाली र हिन्दी भाषामा विश्वभर एकसाथ हजारभन्दा सिनेमा हलमा प्रदर्शन हुँदैछ ।

नेपालमा समेत हिन्दी भाषामा डब भएको ‘प्रेमगीत ३’ रिलिज हुने भएपछि यसलाई लिएर नाम चलेका निर्माता कलाकार सार्वजनिक बहसमा उत्रिएका छन् ।

चलचित्र विकास बोर्डले ‘प्रेमगीत ३’ हिन्दी भाषामा रिलिज भए विदेशी फिल्मसरह कर बुझाउनुपर्ने भन्दै सूचना जारी गरेपछि अहिले निर्माण पक्ष आक्रोशित भएको छ ।

चलचित्रका निर्माता एवं निर्देशक सन्तोष सेन, अभिनेता प्रदीप खड्काले सार्वजनिक रूपमै विकास बोर्डका अध्यक्ष भुवन केसीको राजीनामा मागेका छन् ।

नेपाली चलचित्रको विकास र प्रवद्र्धन गर्न स्थापना भएको विकास बोर्ड नेपाली चलचित्रको बजार खुम्च्याउन लागिपरेको आरोप उनीहरूले लगाएका छन् ।

निर्माता अशोक शर्माले त ‘प्रेमगीत ३’ हिन्दीमा रिलिज हुँदा नेपाली चलचित्रको बजार घट्ने भन्दै विदेशीसरह कर तिर्न भन्दै लामो स्टाटस लेखेका छन् ।

उनलाई सपोर्ट गर्दै सरोज खनाल, दीपकराज गिरीले समेत विदेशी फिल्मसरह कर तिर्नुपर्ने, ‘प्रेमगीत ३’ लाई कर छुट दिन नहुने भन्दै लबिङ गरेपछि निर्माता सन्तोष सेन आक्रोशित भएका छन् ।

तर, चलचित्र निर्माता संघका पूर्वअध्यक्ष आकाश अधिकारी, अभिनेत्री करिश्मा मानन्धरलगायत धेरैजना ‘प्रेमगीत ३’ को पक्षमा उभिएका छन् ।

‘प्रेमगीत ३’ को विश्वव्यापी प्रचार र रिलिजले भोलि नेपाली चलचित्रको बजार प्रवद्र्धन गरेको भन्दै विकास बोर्डले निश्चित कर छुट दिएर चलचित्र चलाउन दिनुपर्ने उनीहरूको माग छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नायिका साम्राज्ञीविरुद्ध भुवन केसीले हाले उजुरी

भुवन केसी र स्वेता खड्का कांग्रेसमा प्रवेश, देशैभर खुसियाली

भुवन केसी विरुद्धको केसमा अदालतले गर्यो यस्तो निर्णय, अब के हुन्छ?  

तेस्रो बिहे गर्दै भुवन केसी, प्रेमिका लिएर पुगे अमेरिका

भुवन केसीलाई आयोगले सोध्यो स्पष्टिकरण, के हो कारण? 

प्रदीप खड्काले नवलपरासी पुगेर विनोद चौधरीलाई मागे भोट