काठमाडौं - नेपाली कांग्रेसको ललितपुर निर्वाचन क्षेत्र ३ को क्षेत्रीय समिति र जिल्ला समितिले प्रतिनिधिसभाको प्रत्यक्ष र समानुपातिक उम्मेदवारको सिफारिस गरिसकेको छ ।

जसमा ललितपुर ३ बाट केन्द्रीय सदस्यद्वय मदन अमात्य र जितजंग बस्नेतको नाम सिफारिस भएको छ । अमात्य यसअघि दुई–दुईपटक टिकट पाइसकेका नेता हुन् ।

उनी गत निर्वाचनमा साढे ६ सय मतान्तरले माओवादीकी पम्फा भुसालसँग पराजित भएका थिए । ०७० को निर्वाचनमा भने उनी विजयी भएका थिए ।

कांग्रेस ललितपुरको दुई दुईपटक सभापतिसमेत भइसकेका अमात्य बुढ्यौलीका कारण यसपटक निर्वाचन लड्ने अवस्थामा नरहेको बताइन्छ । त्यसैले यसपटक ललितपुर ३ बाट तरुण दलका पूर्वअध्यक्षसमेत रहेका जितजंग बस्नेतले टिकट पाउने निश्चित भएको बताइन्छ ।

माओवादीले यसअघि जिते पनि यसपटक भने कांग्रेसलाई छाड्नुपर्ने ललितपुरवासीको माग छ । नेता बस्नेतको ललितपुर ३ मा बलियो पकड छ । उनको घर पनि सोही निर्वाचन क्षेत्रमा पर्छ ।

ललितपुर ३ मा कम्युनिस्टहरूले सधैं टुरिस्ट नेतालाई टिकट दिइरहेका छन् । विगतमा जितेका रघुजी पन्त र अहिले माओवादीकी पम्फा भुसाल ललितपुर ३ का बासिन्दा होइनन् ।

बरु कांग्रेसबाट विजयी भएका मदन अमात्य सोही निर्वाचन क्षेत्रका नेता हुन् । त्यसैले यसपटक बस्नेतलाई टिकट दिनुपर्ने माग कांग्रेसीहरूले गर्दै आएका छन् । त्यसका लागि केन्द्रमा पनि निकै ठूलो दबाब परेको छ ।

कांग्रेस सभापति शेरबहादुर देउवाका विश्वासपात्र नभई कांग्रेसमा सबैसँग हार्दिक सम्बन्ध भएका नेतामा बस्नेत पर्छन् । नेविसंघका पूर्वमहामन्त्रीसमेत भएकाले पनि उनको देशैभरि ठूलो प्रभाव छ ।

त्यसैले अहिले जिल्ला जिल्लामा ‘जितजंग बस्नेत जिताऊ’ अभियान नै सुरु भएको छ । माओवादीले यसपटक भुसाललाई अन्यत्र व्यवस्थापन गरेर कांग्रेसलाई क्षेत्र छाडिदिनुपर्ने माग बढ्दै गएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस र लाेकतन्त्र बचाउन तरूण सडकमा आउनुपर्नेछः जितजंग बस्नेत

तरुण दलले गर्यो वृद्धावस्था व्यवस्थापन गुठिमा फलफुल तथा स्वास्थ्य सामाग्री वितरण

तरुण दलले गर्यो पाटन र बीर अस्पतालमा स्वास्थ्य सामग्री वितरण

तरुण दलले स्थापना दिवसमा शिक्षण अस्पताललाई दियो स्वास्थ्य सामाग्री

कांग्रेस नेता भण्डारीले दिए १६ संस्थालाई ६६ थान अक्सीमिटर, तरुण दल अध्यक्षले गरे वितरण

पञ्चायतको गर्भबाट जन्मिएको कम्युनिस्टसँग सहकार्य र समझदारी हुँदैन : जितजंग बस्नेत