काठमाडौं - पराजयको पीडा कस्तो हुँदो रहेछ भन्ने उदाहरण कमल थापाले बनेका छन् । जब उनी राजेन्द्र लिङ्देनसँग अध्यक्षमा पराजित भए, त्यसबेलादेखि नै उनी आक्रोशित भए ।

हारको पीडा भुल्न सकेनन् । पूर्वराजा ज्ञानेन्द्र शाहलाई आफू हार्नुको कारण देखाए । निर्मल निवासले आफूलाई हराएको सार्वजनिक अभिव्यक्ति दिए ।

सामाजिक सञ्जालमा विषवमन गर्ने क्रम महाधिवेशन सकिएको एक सातासम्म जारी रह्यो । कतिसम्म भने उनी राप्रपाको केन्द्रीय कार्यालय नै गएनन् ।

नवनिर्वाचित अध्यक्ष लिङ्देनलाई भेटेर शुभकामनासमेत दिएनन् । महाधिवेशनपछिको पहिलो केन्द्रीय कार्यसमितिको बैठक बहिष्कार गरे । उनको यो अभियान अहिले पनि जारी छ ।

राप्रपा उच्च स्रोतका अनुसार थापाले अबदेखि पार्टी कार्यालय नजाने मनस्थिति बनाएका छन् । उनले आफू निकट नेताहरूलाई यस्तो सन्देश सुनाएको राप्रपाका एक नेताले मिडियाडबलीलाई बताए ।

‘उहाँले केही समयका लागि पार्टी कार्यालय नटेक्ने प्रण गर्नुभएको छ, पछि के गर्नु हुन्छ थाहा छैन,’ ती नेताले भने । थापा राप्रपा अध्यक्षमा विजयी हुनेमा ढुक्क थिए ।

तर, उनी साढे दुई सय मतअन्तरले लिङ्देनसँग पराजित भए । त्यसैले अबको चार वर्षसम्म थापाको राजनीतिक क्रियाशीलता निष्क्रिय हुने देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कमल थापाले भने : प्रदेश सरकार खारेज गरौँ

कोरोना संक्रमित राप्रपाका अध्यक्ष कमल थापा आइसीयूमा भर्ना !

नेकपाको झगडामा कमल थापाको यस्तो धारणा

कमल थापाको व्यंग्य : मेरो जस्तो नियति प्रचण्डले भोग्नु नपरोस्

कमल थापालाई राप्रपा अध्यक्षबाट रिङआउट गर्न बन्यो यस्तो गठबन्धन

कमल थापाले राजसंस्था नबोक्ने घोषणा गरेपछि रवीन्द्र मिश्रले सुरु गरे मेची–काली यात्रा