गगन थापा र विश्वप्रकाश शर्मा कांग्रेस महामन्त्री बनेकोमा रामकुमारी झाँक्री खुसी, दिइन् बधाई
गगन थापा र विश्वप्रकाश शर्मा कांग्रेस महामन्त्री बनेकोमा रामकुमारी झाँक्री खुसी, दिइन् बधाई
काठमाडौं - नेकपा एकीकृत समाजवादीकी नेतृ रामकुमारी झाँक्रीले नेपाली कांग्रेसको १४औं महाधिवेशनबाट गगन थापा र विश्वप्रकाश शर्मा महामन्त्रीमा निर्वाचित भएको खुसी व्यक्त गरेकी छन् ।
थापा र शर्माको जित नेपाली राजनीतिमा पुस्तान्तरणका लागि जबर्जस्त दबाब भएको भन्दै यसले कांग्रेसका लागि ठूलो अवसर भएको पनि बताएकी छन् ।
एकीकृत समाजवादीकी सचिवसमेत रहेकी सहरी विकासमन्त्री झाँक्रीले थापा र शर्माको जित हामी सबैका लागि अवसर र चुनौती भएको उनको भनाइ छ ।
उनले नेता थापा र शर्मालाई बधाई पनि दिएकी छन् । ‘हार्दिक बधाई मित्र गगनकुमार थापा र दाइ विश्वप्रकाश शर्मालाई । यहाँहरूको जित नेपाली राजनीतिमा पुस्तान्तरणको लागि जबर्जस्त दबाब हो। यसको सन्देश मुलुक, समाज र राष्ट्र सबैको दायित्व अब युवाहरूले बोक्नुपर्छ भन्ने हो। हामी सबैको लागि अवसर र चुनौती दुवै हो,’ झाँक्रीले भनेकी छन् ।
नेपालमा गणतन्त्रको नारा लगाउनेमा गगन थापा र रामकुमारी झाँक्री अग्रपंक्तिमा पर्छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४