प्रचण्डका प्रेस संयोजकलाई मिल्यो ठूलो पद !
प्रचण्डका प्रेस संयोजकलाई मिल्यो ठूलो पद !
काठमाडौं – सत्तारुढ दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को प्रेस संयोजक रहँदै आएका विष्णु सापकोटा ‘जगुल’ पत्रकारको संगठन प्रेस सेन्टर नेपालको अध्यक्ष बनेका छन् ।
शनिबारदेखि प्रचण्डकै गृहजिल्ला चितवनमा भएको सेन्टरको चौथो महाधिवेशनले सापकोटालाई अध्यक्ष बनाएको छ । उनी सेन्टरका निवर्तमान महासचिव समेत हुन् ।
सेन्टरको महाधिवेशनको बन्दसत्रबाट १८४ केन्द्रीय सदस्यको नाम घोषणा गरिएको छ । प्रेस सेन्टरको केन्द्रीय समिति १९९ जनाको हुनेछ तर बाँकी केन्द्रीय सदस्य पछि मनोनित गरिने जनाइएको छ ।
अध्यक्ष र केन्द्रीय सदस्यको नाम घोषणा गरिएपनि अन्य पदाधिकारीको टुंगो पछि लाग्ने जनाइएको छ । केन्द्रीय सदस्य मध्येबाटै पदाधिकारी चयन गरिनेछन् ।
प्रेस सेन्टरको महाधिवेशनबाट संस्थापक नेताहरू महेश्वर दाहाल, ओम शर्मा, गोविन्द आचार्य, खिलबहादुर भण्डारी, संगीता खड्का, बलराम थापालाई बिदा गरिएको छ ।
संगठनको वरिष्ठ उपाध्यक्ष पदमा लक्ष्मी पुन, ओपेन्द्र शर्मा र सन्तोष पौडेलको दाबी छ भने महासचिव पदमा मनोज घर्तीमगर, त्रिभुवन पौडेल, ध्रुव बुढाथोकी, दयानिधि भट्ट, बबिन शर्मा र रामकृष्ण अधिकारीले दाबी गरिरहेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४