काठमाडौं - नेपाली कांग्रेसका पूर्वमहामन्त्री प्रकाशमान सिंह आसन्न १४औं महाधिवेशनमा सभापतिमा उम्मेदवारी दिने तयारीमा छन् ।

त्यसका लागि उनले गृहकार्य धेरै अघि बढाइसकेका छन् । देशभरका नेता कार्यकर्ता भेट्नेदेखि पार्टीका प्रभावशाली नेताहरूलाई कन्भिन्स गरिरहेका छन् ।

काठमाडौं उपत्यकामा नेता सिंहको बलियो पकड छ । युवा नेता गगन थापासँग टिमअप गरेकाले पनि सिंह बलियो बनेका हुन् ।

काठमाडौं निर्वाचन क्षेत्र १ बाट प्रतिनिधिसभा निर्वाचित हुँदै आएका सिंहले श्रीमती सिर्जना सिंह र छोरा प्रभासमान सिंहलाई पनि राजनीतिमा स्थापित गर्न लागिपरेका छन् ।

सिर्जना र प्रभासमान दुवै महाधिवेशन प्रतिनिधि निर्वाचित भएका छन् । आफू काठमाडौं १ बाट प्रतिनिधिसभामा चुनाव उठ्दै आए पनि नेता सिंहको घर निर्वाचन क्षेत्र ७ मा पर्छ । काठमाडौं ७ मा नेपाली कांग्रेसले चुनावमा उठाउने भरपर्दो र बलियो नेता पाउन सकेको छैन ।

वडाध्यक्षसमेत रहेका मुकुन्द रिजालको प्रभाव अलि धेरै छ । काठमाडौं ७ बाट जहिल्यै पनि कांग्रेसले कमजोर उम्मेदवार उठाउँदै आएको छ ।

तर, अब भने सो निर्वाचन क्षेत्रमा नेता सिंहले आफ्नै श्रीमती सिर्जनालाई प्रतिनिधिसभामा उम्मेदवार उठाउने गरी अभियान अघि बढाएका छन् ।

सिर्जनालाई काठमाडौं निर्वाचन क्षेत्र ७ बाट कांग्रेसको महाधिवेशन प्रतिनिधि निर्वाचित गर्नुलाई कांग्रेसमा अहिले त्यसरी नै चर्चा र विश्लेषण गर्न थालिएको छ ।

कांग्रेस सभापति शेरबहादुर देउवाकी श्रीमती आरजु देउवा कैलालीबाट प्रतिनिधिसभामा उम्मेदवार बनेकी छन् । अब प्रकाशमान सिंहले पनि श्रीमती सिर्जनालाई प्रतिनिधिसभामा उठाउने भित्री तयारी गरेको स्रोतले बतायो ।

कांग्रेसमा श्रीमतीलाई प्रतिनिधिसभामा उम्मेदवार बनाउने नेताहरू नगन्य छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ