काठमाडौं - संसद् सचिवालयकी महिला कर्मचारीसँग यौनकाण्डमा मुछिएका माओवादी केन्द्रकानेता कृष्णबहादुर महरा पुनः राजनीतिमा सक्रिय हुन थालेका छन् ।

पत्नी वियोगका कारण केही समयसम्म मौन बसेका महरा अहिले फेरि सक्रिय देखिन थालेका छन् । माओवादी केन्द्रका अध्यक्ष पुष्पकमल दाहाल प्रचण्डले नारायणकाजी श्रेष्ठलाई साइजमा ल्याउन महरालाई पुनः सक्रिय बनाएका हुन् ।

अहिले श्रेष्ठलाई हटाएर महरालाई पार्टी प्रवक्ता बनाइएको छ । जसकारण माओवादी केन्द्रमा विवाद भुसको आगोझैं भित्रभित्रै फैलिसकेको छ । कुन दिन विस्फोट हुने हो ठेगान छैन ।

नारायणकाजीलाई मन्त्री बन्नबाट रोक्न र पार्टीको नेतृत्व नदिन प्रचण्डले महरालाई मोहरा बनाएको नेताहरूबीच चर्चा छ । त्यही भएर नारायणकाजी असन्तुष्ट बनेका छन् ।

‘एमालेसँगको एकता बदर भएपछि नेकपाकालीन हजारौं कार्यकर्ता सम्पर्कमै नआएपछि प्रचण्ड तनावमा परेका छन् । त्यसमा पनि नारायणकाजीले कुन दिन माओवादी छाड्ने हो एकिन छैन,’ एक नेताले भने । माओवादी केन्द्रमा प्रचण्डको उत्तराधिकारी बन्न एक दर्जन नेता आकांक्षी देखिएका छन् ।

नारायणकाजी, जनार्दन शर्मा, वर्षमान पुन, हरिबोल गजुरेल, देवेन्द्र पौडेल, देव गुरुङ, पम्फा भुसाल, कृष्णबहादुर महरा नेतृत्वमा पुग्न चाहिरहेका छन् ।

रामबहादुर थापा बादल, लेखराज भट्ट र टोपबहादुर रायमाझी एमाले गएपछि नारायण्काजी, महरा, अग्निप्रसाद सापकोटा, जनार्दन र वर्षमान पुनमध्ये एक प्रचण्डको उत्तराधिकारीको दौडमा सामेल छन् ।

तर, प्रचण्ड भने अग्निप्रसाद र कृष्णबहादुरमध्ये एकलाई अघि सार्ने मनस्थितिमा रहेको बताइन्छ । सोही कारण अहिले जनार्दन र वर्षमान पुन खुमलटारसँग आगो भएको बुझिएको छ । माओवादी केन्द्रमा देखिएको विवाद मंसिरमा हुने राष्ट्रिय सम्मेलनमा प्रकट हुने स्रोतले बतायो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !