काठमाडौं - एमाले अध्यक्ष केपी ओली इगोको राजनीति गर्ने नेतामा पर्छन् । आफ्नो कुरा मान्ने र सधैं आफूकहाँ धाउनेलाई ओलीले संरक्षण पनि गर्छन् ।

तर, आफ्नो विरोध गर्ने र मन नपरेकालाई ओलीले भित्तामै पुर्यादिन्छन् । जुन अहिलेसम्म देखिँदै पनि आएको छ । अघिल्लो निर्वाचनमा आफू प्रधानमन्त्री बन्न ओलीले माओवादी केन्द्रका अध्यक्ष पुष्पकमल दाहाल प्रचण्डसँग अपवित्र साँठगाँठ गरे ।

एमाले र माओवादी केन्द्रबीच पार्टी एकता पनि भयो । ओली र प्रचण्डबीच प्रधानमन्त्री आधा आधा कार्यकाल खाने भद्र सहमति पनि भयो । तर, कार्यान्वयनको चरणमा आइपुगेपछि ओलीले निहुँ खोजे ।

त्यही विवाद पछि गएर एमाले र माओवादी केन्द्रबीच विभाजनको कारण बन्न पुग्यो । ओलीले भद्र सहमति कार्यान्वयन नगरेकैले अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) संसद्बाट अनुमोदन गर्ने प्रक्रिया रोक्न प्रचण्ड र तत्कालीन सभामुख कृष्णबहादुर महराबीच आन्तरिक सहमति भयो ।

महरा यौनकाण्डमा जेल गए । त्यसपछि आएका सभामुख अगिन्प्रसाद सापकोटाले पनि प्रक्रिया अघि बढाएनन् । एमाले र माओवादी केन्द्र एकता कायम नहुनुको कारण एमसिसी पनि बन्यो । अहिले तिनै दुई सभामुख महरा र सापकोटाको उछितो काढ्न ओली सक्रिय छन् ।

कतिसम्म भने आफ्ना देशका दुई सभामुखको कुरा ओलीले एमसिसी उपाध्यक्ष फतिमा सुमारलाई लगाएका छन् । सभामुखकै कारण एमसिसी पास नभएको उनले बताउनुले देशका दुई दुईपटक प्रधानमन्त्री भइसकेका व्यक्ति ओलीको राजनीतिक साख गिरेको छ ।

ओली प्रमुख प्रतिपक्षी दलका नेता हुन् । जुनसुकै बेला प्रधानमन्त्री बन्न सक्छन् । त्यो पदमा रहेका नेताले विदेशी पाहुनासमक्ष आफ्ना देशका नेताविरुद्ध कुरा लगाउनुलाई कूटनीतिक क्षेत्रका व्यक्तिहरूले राम्रो मानेका छैनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?