रवीन्द्र काफ्ले

पाँचथर, २३ भदौ-  पाँचथरमा नेकपा (एमाले)बाट निर्वाचित ११ जना जनप्रतिनिधिले नेकपा (एकीकृत समाजवादी)मा सनाखत गरेका छन् ।

जिल्ला समन्वय समितिका सदस्य सन्तोष सिन्चेउरीसहित फालेलुङ गाउँ कार्यपालिका सदस्य रेणुका आङ्बो, कुम्मायक गाउँ कार्यपालिका सदस्य भक्तबहादुर विश्वकर्मा, कुम्मायक–२ का वडाध्यक्ष बालकृष्ण शेर्मा, फालेलुङ–१ का वडाध्यक्ष श्रीप्रसाद जबेगूले एकीकृत समाजवादीमा सनाखत गराएका हुन् ।

जिल्ला समन्वय समितिका सदस्य सिन्चेउरीकाअनुसार सनाखत गर्ने अन्य जनप्रतिनिधि वडा सदस्यहरु छन् । जसमा फालेलुङ–१ का वडा सदस्यहरु तारा विश्वकर्मा र यमुना भण्डारी, फिदिम नगरपालिका–१२ का वडा सदस्यहरु नन्दिकेशर आचार्य र सर्मिला नेपाली, याङवरक गाउँपालिका–५ वडा सदस्य दुर्गाप्रसाद योङहाङ र हिलिहाङ गाउँपालिका–५ वडा सदस्य राजकुमार पन्थाक छन् ।

उनीहरुले जिल्ला निर्वाचन कार्यालयमा पुगी सनाखत गरेको जिल्ला समन्वय समितिका सदस्य सिन्चेउरीले जानकारी दिए । निर्वाचन कार्यालयले भने सनाखत भएका जनप्रतिनिधिबारे विवरण सार्वजनिक गर्न नमिल्ने बताएको छ ।

पाँचथरमा एमालेबाट जिल्ला समन्वय समितिका प्रमुख र ६ जना सदस्य, चारवटा गाउँपालिकामा अध्यक्ष र पाँच वटा गाउँपालिकामा उपाध्यक्ष तथा २९ वडामा वडाध्यक्ष छन् ।

गाउँपालिकाका अध्यक्ष र उपाध्यक्षहरु भने सबै एमालेमै रहेका छन् । एमालेबाट एक/जना प्रतिनिधिसभा सदस्य र दुई प्रदेशसभा सदस्य निर्वाचित भएको जिल्लामा प्रदेशसभा सदस्य गणेशकुमार काम्बाङ एकीकृत समाजवादीमा खुलेका छन् ।

मंगलबार एमालेको सचिवालय बैठक बसेको छ । उक्त बैठकमा २२ जना सचिवालय सदस्यहरु मध्ये १८ जना सहभागी भएको एमालेका केन्द्रीय सदस्य एवं पाँचथर सह–इन्चार्ज अइन्द्रसुन्दर नेम्वाङले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?