काठमाडौं – नेकपा माओवादी केन्द्रले पार्टीका सबै कमिटीमा महिला र दलितका लागि ५० प्रतिशत कोटा सुरक्षित गर्ने निर्णय गरेको छ ।

२ दिनसम्म चलेको केन्द्रीय कमिटीको बैठकलाई आईतवार सम्पन्न गर्दै माओवादी केन्द्रले आरक्षणको निर्णय गरेको छ ।

बैठकको निर्णय विषयमा जानकारी दिँदै प्रवक्ता नारायणकाजी श्रेष्ठले पार्टीका विभिन्न तहका कमिटीमा महिला र दलितका लागि कोटा निर्धारण गरेको बताएका छन् ।

बैठकमा अध्यक्ष पुष्पकमल दाहाल ‘प्रचण्ड’ले प्रस्तुत गरेको विधान संशोधन प्रस्ताव सर्वसम्मतिले पारित गर्दै केन्द्रीय कमिटीमा ३५ प्रतिशत महिला र १५ प्रतिशत दलित रहने गरी कोटा निर्धारण गरिएको छ ।

पार्टीका जिल्ला समिति खारेज गरेर जिल्ला समन्वय समिति बनाउने निर्णय समेत बैठकले गरेको छ । बैठकले आगामी पुस ११–१३ गतेमा राष्ट्रिय सम्मेलन आयोजना गर्ने निर्णय गरेको स्थायी कमिटीका सदस्य गणेश साहले बताएका छन् ।

बैठकले प्रतिगमनको खतरा कायमै रहको भन्दै वाम–लोकतान्त्रिक गठबन्धन आवश्यक पर्दासम्म कायम राख्ने निर्णय गरेको छ । बैठकले अध्यक्ष प्रचण्डले प्रस्तुत गरेको राजनीतिक प्रतिवेदन र विधान संशोधनको प्रस्ताव सर्वसम्मतिले पारित गरेको जनाइएको छ ।

माओवादी केन्द्रका प्रवक्ता श्रेष्ठले अध्यक्ष प्रचण्डले पेश गरेको राजनीतिक प्रतिवेदन, विधान संशोधन र समसामयिक विषयको प्रस्ताव पारित भएको बताएका छन् । राष्ट्रिय सम्मेलन गर्न ४ महिने संगठन सुदृढीकरण अभियान चलाउने निर्णय समेत बैठकले गरेको छ ।

माओवादी केन्द्रले तत्कालीन प्रधानमन्त्री केपी शर्मा ओलीले चालेको प्रतिगामी कदम असफल भएको निष्कर्ष निकालेको छ । ‘प्रतिगामी कदम असफल भएको छ तर प्रतिगामी खतरा टरिसकेको छैन,’ उनले भने । आजको राजधानी दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !