काठमाडौं – सत्तारुढ दल नेपाली कांग्रेसको पदाधिकारी बैठक अकस्मात स्थगित भएको छ ।

पार्टी सभापति तथा प्रधानमन्त्री शेरबहादुर देउवाले बिहीबार दिउँसो २ बजे बस्ने गरी बोलाएको पदाधिकारी बैठक स्थगित भएको हो ।

प्रधानमन्त्री देउवाको व्यस्तताका कारण बैठक स्थगित गरिएको जनाइएको छ ।

पार्टी केन्द्रीय कार्यालयका मुख्यसचिव कृष्णप्रसाद पौडेलले बैठक स्थगित गरिएको जानकारी दिए । उनका अनुसार अब शुक्रवार दिउँसो २ बजे बैठक बस्ने भएको छ ।

पार्टीको १४औं महाधिवेशन र क्रियाशील सदस्यताबारे देखिएका विवादबारे छलफल गर्न बैठक बस्न लागेको थियो । पदाधिकारी बैठकमा सरकारमा सहभागी हुने मन्त्रीहरुबारे समेत छलफल हुने जनाइएको छ ।

नेपाली कांग्रेसबाट बालकृष्ण खाँण गृहमन्त्री र ज्ञानेन्द्रबहादुर कार्की कानून, न्याय तथा संसदीय मामिला मन्त्री बनिसकेका छन् । 

प्रधानमन्त्री देउवाले वरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौलासँग छलफल गरेर मन्त्री क–कसलाई बनाउने टुंगो लगाउने भएका छन् ।

कांग्रेसले आगामी भदौ १६–१९ गतेसम्म महाधिवेशन गर्ने निर्णय गरेको छ । तर असारभित्रै क्रियाशील सदस्यता विवाद टुंग्याउने भनिएपनि विवाद कायमै छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग