आजको विशेष
ओलीराजमा सरकारी गाडी लिएर यौनजन्य हर्कत गर्ने बढे, बीच जंगलमा यस्तो हालत
ओलीराजमा सरकारी गाडी लिएर यौनजन्य हर्कत गर्ने बढे, बीच जंगलमा यस्तो हालत
काठमाडौं - केही समय अगाडि निषेधाज्ञा उल्लंघन गर्दै गृह मन्त्रालयका एक कर्मचारी सरकारी गाडी लिएर प्रेमिकासहित स्वयम्भू पुगे । सेतो नम्बर प्लेटको गाडी सडकमा राखेर उनीहरू जंगलको एक कुनामा प्रेमिल अवस्थामा फेला परे ।
एक पत्रकारले त्यसको भिडियो र तस्बिर सामाजिक सञ्जालमा राखेपछि सिंहदरबारमा हंगामा भयो । अनुसन्धानपछि सरकारी गाडी लिएर जाने गृह मन्त्रालयअन्तर्गतका कर्मचारी रहेछन् ।
सोधपुछका क्रममा उनले आफू सरकारी कामले गएको बताएका थिए । अहिले उनलाई कारबाही गरिएको छ । अहिले फेरि महिला बालबालिका तथा ज्येष्ठ नागरिक मन्त्रालयको गाडीभित्र यौनजन्य क्रियाकलाप गरिरहेको अवस्थामा तीन व्यक्ति पक्राउ परेका छन् ।
पक्राउ पर्नेमा दुई पुरुष र एक महिला छन् । बुधबार राति ११ बजे सूर्यविनायक नगरपालिका–७ घ्याम्पेडाँडाको जङ्गलमा रोकिराखेको गाडीबाट उनीहरु ‘रंगेहात’ पक्राउ परेका थिए । प्रदेश ३–०१–००२ झ ५०५२ नम्बरको गाडीबाट उनीहरुलाई पक्राउ गरिएको स्रोतले बतायो ।
गस्ती गएको प्रहरीले गाडीभित्र निर्वस्त्र अवस्थामा महिला र पुरुषहरुलाई देखेका थिए । गाडी चालक मन्त्रालयकै कर्मचारी भएको स्रोतको भनाइ छ । पक्राउ पर्नेहरुमा गाडी चालक सिन्धुपाल्चोक पाङ्ग्रेटार घर भई भक्तपुर बस्ने ४१ वर्षीय जितबहादुर खत्री, सुनकोशी गाउँपालिका–६ का ३८ वर्षीय शम्भु कार्की र दोलखाकी २१ वर्षीया महिला छन् ।
महानगरीय प्रहरी वृत्त जगातीका प्रहरी निरीक्षक सूर्यबहादुर शाहीको टोली गस्ती गर्न जाने क्रममा मध्यराति सडक किनारामा रोकी राखेको सरकारी गाडी भित्र महिला र चालक खत्री नग्न अवस्थामा थिए। प्रहरीलाई देख्नेबित्तिकै चालक खत्री जंगलमा भागेपछि उनलाई पक्राउ गरेको प्रहरीले जनाएको छ ।
महिला र गाडी चालकलाई राति नै नियन्त्रणमा लिएको र फरार कार्की बिहीबार पक्राउ परेका हुन् । उनीहरुविरुद्ध सार्वजनिक स्थानमा सरकारी गाडी भित्र यौनजन्य क्रियाकलाप गर्ने महिला, चालक खत्री र कार्कीलाई मुलुकी अपराध संहिता ऐन २०७४ को दफा १२३ सार्वजनिक स्थानमा यौन क्रिया गर्न नहुने महल (१) नम्बरको कसुरमा सजाय हुने वृत्तका अनुसन्धान अधिकृत प्रहरी निरीक्षक विष्णुहरि फूँयालले बताए । सरकारी गाडी दुरुपयोगका घटनाले ओली सरकारमा विकृति कतिसम्म बढेको छ भन्ने पुष्टि हुन्छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४