काठमाडौं – नेकपा एमालेभित्र विवाद चर्किएर फुटको अवस्थामा पुगेका बेला अध्यक्ष तथा प्रधानमन्त्री केपी शर्मा ओली र असन्तुष्ट माधवकुमार नेपाल पक्षका नेताबीच सहमति जुटेको छ ।

सहमतिका लागि माधव नेपाल पक्षबाट सक्रिय रहेका घनश्याम भुसाल, योगेश भट्टराई, गोकर्ण विष्ट लगायत नेताहरूले ओली पक्षसँग सहमति गरेका हुन् ।

विवाद देखिएको नेकपा एमालेलाई २०७५ जेठ २ गतेकै अवस्थामा फर्काएर पार्टीलाई फुट्नबाट जोगाउने सहमति भएको स्रोतले जनाएको छ ।

असन्तुष्ट नेपाल पक्षले सर्वोच्च अदालतको फैसला अनुसार पार्टीलाई जेठ २ गतेकै स्थितिमा फर्काउनुपर्ने, पुरानै संरचना अनुसार जनसंगठन र पेशागत संगठनका सबै संरचनालाई केन्द्रदेखि स्थानीय तहसम्म क्रियाशील तुल्याउनुपर्ने माग राख्दै आएको छ ।

पुरानै संरचनालाई क्रियाशील बनाएर त्यसपछि बस्ने संयुक्त बैठकले वर्तमान परिस्थितिअनुसार पार्टी केन्द्र र अन्य संरचनालाई अद्यावधिक गर्ने सहमति जुटेको छलफलमा सहभागी एक नेताले जानकारी दिए । सहमति जुटेपछि अब एमालेका नाममा ओली पक्षले २०७७ फागुन २८ गतेपछि गरेका निर्णयहरू खारेज हुने भएका छन् ।

द्विपक्षीय छलफलमा नेपालपक्षबाट सुरेन्द्र पाण्डे, घनश्याम भुसाल, योगेश भट्टराई र गोकर्ण विष्ट लगायत नेता सहभागी छन् भने ओली पक्षका सुवासचन्द्र नेम्वाङ, विष्णु पौडेल, प्रदीप ज्ञवाली लगायत सहभागी छन् ।

प्रधानमन्त्री ओली पक्षले नेपाल पक्षले कांग्रेस सभापति शेरबहादुर देउवालाई प्रधानमन्त्री बनाउन गरेको हस्ताक्षर फिर्ता लिनुपर्ने शर्त राखेपनि त्यसबारे निकास निकाल्नेबारे छलफल भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

योगेश भट्टराई बोलिरहँदा बज्यो अश्लिल भिडियो

प्रधानमन्त्रीले युरिया मल पैंचो माग्नुपरेपछि घनश्याममाथि ओली र बाबुरामको प्रहार

प्रचण्डका घरबेटीको बचाउ गर्दै कृषिमन्त्री भुसाल, मल अभावबारे दिए यस्तो अभिव्यक्ति

प्रचण्डका घरबेटीसामु कृषिमन्त्री भुसाल निरीह, कारबाही गर्ने दिन भदौ २० को मिति नाघ्यो

प्रचण्डका घरबेटीको दिन गन्ति सुरु, यस्तो छ भित्रि खेल !

अन्ततः प्रचण्डका घरबेटीमाथि भयो कारबाही !