काठमाडौं – कम्युनिस्ट प्रधानमन्त्री केपी शर्मा ओलीले मन्त्रिपरिषद् पुनर्गठन गर्दा उपप्रधानमन्त्री ईश्वर पोखरेलसहित १३ जना मन्त्रीलाई बिदा गरेका छन् ।

अर्थमन्त्री विष्णुप्रसाद पौडेल, शिक्षा तथा विज्ञान प्रविधिमन्त्री कृष्णगोपाल श्रेष्ठ, कानून, न्याय तथा संसदीय मामिलामन्त्री लीलानाथ श्रेष्ठ र भौतिक पूर्वाधार मन्त्री वसन्त नेम्वाङबाहेक ओलीले सबै मन्त्रीलाई हटाएका छन् ।

ओली सरकारको मन्त्रिपरिषद्बाट एमालेका महासचिव ईश्वर पोखरेलसहित १० मन्त्री र ३ राज्यमन्त्री हटाइएका छन् ।

ओलीले हटाएका मन्त्रीमा परराष्ट्रमन्त्री प्रदीप ज्ञवाली, स्वास्थ्य तथा जनसंख्या मन्त्री हृदयेश त्रिपाठी, संस्कृति, पर्यटन तथा नागरिक उड्ययन मन्त्री भानुभक्त ढकाल, कृषि तथा पशुपन्छी विकासमन्त्री पदमाकुमारी अर्याल, सञ्चार तथा सूचना प्रविधि मन्त्री पार्वत गुरुङ र भूमि व्यवस्था, सहकारी तथा गरीबी निवारण मन्त्री शिवमाया तुम्बाहाम्फे, संघीय मामिला तथा सामान्य प्रशासन मन्त्री गणेश ठगुन्ना, वन तथा वातावरण मन्त्री प्रेमबहादुर आले र महिला बालबालिका तथा ज्येष्ठ नागरिक मन्त्री जुलीकुमारी महतो रहेका छन् ।

सरकारबाट हटाइएका राज्यमन्त्रीमा स्वास्थ्य राज्यमन्त्री नवराज राउत, शहरी विकास राज्यमन्त्री रामवीर मानन्धर र उद्योग राज्यमन्त्री विमला विक रहेका छन् ।

प्रधानमन्त्री ओलीले शुक्रवार मन्त्रिपरिषद् पुनर्गठन गर्दै ३ जना उपप्रधानमन्त्री, १२ मन्त्री र २ जना राज्यमन्त्री बनाएका छन् । 

पुनर्गठित मन्त्रिपरिषद्मा विष्णु पौडेल उपप्रधानसहित अर्थ, रघुवीर महासेठ उपप्रधानसहित परराष्ट्र र राजेन्द्र महतो उपप्रधानसहित शहरी विकास मन्त्री बनाइएका छन् । नवनियुक्त उपप्रधानमन्त्रीहरूले राष्ट्रपति विद्यादेवी भण्डारीबाट पद तथा गोपनीयताको शपथ खाएका छन् ।

ओली सरकारमा वसन्त नेम्वाङ भौतिक पूर्वाधार तथा यातायात मन्त्री, कृष्णगोपाल श्रेष्ठ शिक्षा र लीलानाथ श्रेष्ठ कानून मन्त्रीका रूपमा यथावत राखिएका छन् । शेरबहादुर तामाङलाई स्वास्थ्य तथा जनसंख्या मन्त्रालयको जिम्मेवारी मिलेको छ ।

यी हुन् मन्त्रिपरिषद्मा भाग पाउनेहरू – 

प्रधानमन्त्री केपी शर्मा ओली - रक्षा, गृह,सञ्चार, पर्यटन, कृषि, उद्योग वाणिज्य र सामान्य प्रशासन।
विष्णु पौडेल - उपप्रधानमन्त्री, अर्थ

राजेन्द्र महतो - उपप्रधानमन्त्री, शहरी विकास
रघुवीर महासेठ - उपप्रधानमन्त्री, परराष्ट्र
शेरबहादुर तामाङ - स्वास्थ्यमन्त्री

बसन्तकुमार नेम्वाङ - मन्त्री, भौतिक पूर्वाधार तथा यातायात
लीलानाथ श्रेष्ठ - मन्त्री, कानून न्याय तथा संसदीय मामिला
कृष्णगोपाल श्रेष्ठ - मन्त्री, शिक्षा

शरतसिंह भण्डारी - मन्त्री, ऊर्जा
उमाशंकर अरगरिया - मन्त्री, वन तथा वातावरण
लक्ष्मणलाल कर्ण - मन्त्री, भूमि व्यवस्था

अनिल झा - मन्त्री, खानेपानी तथा सरसफाई
विमल श्रीवास्तव - श्रम तथा रोजगार
चन्दा चौधरी - मन्त्री, महिला,बालबालिका तथा ज्येष्ठ नागरिक

एकवाल मियाँ - मन्त्री, युवा तथा खेलकुद

चन्द्रकान्त चौधरी - राज्यमन्त्री, ऊर्जा
रेणुका गुरुङ - राज्यमन्त्री, महिला,बालबालिका तथा ज्येष्ठ नागरिक

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?