काठमाडौं – नेपाली कांग्रेसका बौद्धिक नेता डा.चन्द्र भण्डारीले नेपाली जनता ज्ञान भएका तर विवेकविहीन नेता र विज्ञहरूको मारमा पिल्सिनुपरेको बताएका छन् ।

सरकारको नीति, कार्यक्रम, योजना र बजेटमा जनताका आधारभूत आवश्यकता खाना, नाना, छाना, शिक्षा र स्वाथ्यलाई प्राथमिकतामा राख्नुपर्ने भएपनि जनताले यी सुविधा नपाएको नेता भण्डारीले गुनासो गरे ।

सामाजिक सञ्जाल फेसबुकमा टिप्पणी लेख्दै नेता भण्डारीले भनेका छन्, ‘नेपालका ती नेता र विज्ञ जसले देश निर्माणको जिम्मा लिए र आफूलाई सर्वज्ञ ठाने, तिनीहरूले लिएको सोच, बनाएका योजना र गरेका कामको प्रतिफल देख्दा लाग्दछ, तिनीहरू दिमागी रूपमा रोगी थिए, अशक्त थिए ! आज हामी यही ज्ञान भएका तर विवेकविहीन नेता र विज्ञहरूको मारमा पिल्सिएका छौं । कहिले गर्ने ? कसले गर्ने ? यी हुन् उत्तरविहीन प्रश्नहरू !’

नेता भण्डारीले लेखेका छन्, ‘हाम्रो देशमा सरकारले प्रस्तुत गर्ने नीति तथा कार्यक्रम र बजेट ! अनि मेरो देशको तस्वीर ! २०६५ सालमा मेरो पीएचडीको अनुसन्धानको लागि झापा गएको थिएँ । झापाको चिया बगानमा काम गर्ने मजदुरसँग धेरै समस्याहरूको बारेमा प्रश्न राखेको थिएँ । त्यसमध्ये एउटा प्रश्न थियो, ‘नयाँ नेपालमा तपाईंहरूलाई के गर्नुपर्दछ ?’ सबैको एकस्वरको भनाई थियो, ‘हाम्रा बच्चा पढाइ देऊ र एउटा भिटा देऊ ।’ उनीहरूले बच्चाहरूबाट भविष्य खोजे, बस्ने छाप्रोको लागि घडेरी । त्यसरी नै वीरगञ्ज ठाकुरराम क्याम्पसका छात्राहरूसँगको छलफलको क्रममा माथिकै प्रश्न गरेको थिएँ । उनीहरूको जवाफ थियो, ‘दहेज प्रथाबाट मुक्त गरिदेऊ !’ अहिले पनि खाना, नाना, छाना, शिक्षा र स्वाथ्यदेखि तिनै सामाजिक समस्याहरू ज्युँकात्यूँ छन् । एउटा योजना सम्पन्न गर्न दशक लाग्दछ कि बीचैमा छोडिदिन्छ । नाकाबन्दी र भूकम्पबाट सिक्ने कोसिस गरिएन ? अहिले नयाँ समस्या थपिएको छ ‘कोरोना’ । समय बित्दै जान्छन्, कार्यक्रम बनिरहन्छ, जनताको अवस्था झन् खराब । नेपालका ती नेता र विज्ञ जसले देश निर्माणको जिम्मा लिए र आफूलाई सर्वज्ञ ठाने, तिनीहरूले लिएको सोच, बनाएका योजना र गरेका कामको प्रतिफल देख्दा लाग्दछ, तिनीहरू दिमागी रूपमा रोगी थिए, अशक्त थिए ! आज हामी यही ज्ञान भएका तर विवेकविहीन नेता र विज्ञहरूको मारमा पिल्सिएका छौं । कहिले गर्ने ? कसले गर्ने ? यी हुन् उत्तरविहीन प्रश्नहरू !’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग