काठमाडौं - झापा आन्दोलन र नेपाली कम्युनिस्ट आन्दोलनका एक सशक्त हस्ती चन्द्रप्रकाश मैनाली (सीपी) अहिले सानो घेरामा सीमित छन् । नेकपा माले हुँदा २०४२ सालसम्म मैनालीको जगजगी थियो । तर, उनी मालेका महासचिव नै भएका थिए ।

त्यसबेला अहिलेका केपी ओली सीपी मैनालीका कार्यकर्ता थिए । सीपी मैनालीले प्रतिपादन गरेको ‘जनताको नौलो जनवाद’ लाई परिमार्जित गर्दै मदन भण्डारीले पछि ‘जनताको बहुदलीय जनवाद’ सिद्धान्त तयार पारेका थिए ।

त्यसैले मैनालीलाई पाखा लगाउन मदन भण्डारी, झलनाथ खनाल, माधव नेपालहरू लागेका थिए । र, मैनालीलाई महासचिवबाट हटाएर झलनाथ खनाल महासचिव बनेका थिए । ०४७ सालमा माले र नेकपा माक्र्सवादी मिलेर एमाले बनेको थियो ।

त्यहीबेला मदन भण्डारी महासचिव बनेका हुन् । अहिले प्रधानमन्त्री एवं एमाले अध्यक्ष केपी ओली राजनीतिक, कानूनी र नैतिक रुपमा अप्ठेरोमा परेक छन् । तीन महिनाको बीचमा दुईपटक संसद् विघटन गरेपछि ओली एक्लिएका छन् ।

पहिलोपटक संसद् विघटन गर्दा ओली नेकपाका अध्यक्ष थिए, उनीसँग झन्डै दुई तिहाइ सांसद थिए । तर दोस्रो संसद् विघटनसम्म पुग्दा ओलीसँग ९३ सांसद मात्रै रहे।

पाँच दलले घोषित रुपमा विपक्षी गठबन्धन बनाएर ओलीको कदमविरुद्ध कानूनी र राजनीतिक संघर्ष सुरु गरेका छन् । उनीहरुले ओलीविरुद्धको गठबन्धन फराकिलो बनाउने रणनीति पनि लिएका छन् ।

आगामी निर्वाचनसम्म विपक्षी गठबन्धन सँगै जाने भएका छन् । यसले ओलीलाई निकै कमजोर मात्र होइन, एक्लो बनाउने एमालेकै नेताहरु बताउन थालेका छन् ।

पछिल्लो घटनाक्रमले ओलीको अवस्था सीपी मैनालीको जस्तै हुने प्रदीप नेपालको विश्लेषण छ । ‘केपी ओलीले आफूबाहेक अरुलाई चिन्नु पनि हुँदैन, वास्ता पनि गर्नुहुन्न । उहाँको स्वभाव अल्पमत हुँदा पनि निर्णय गर्ने हो, बहुमत हुँदा पनि निर्णय गर्ने हो । अहिले एक्लिँदै हुनुहुन्छ । उहाँको हालत पनि सीपी मैनालीको जस्तै हुन्छ,’ नेपालले बिहीबार एक पत्रिकामा टिप्पणी गर्दै भनेका छन् । नेता नेपालको विश्लेषणमा ओली सीपी मैनाली भाग–२ बन्ने बाटोमा हिँडेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?