सरकारलाई थाहा छ – नेपालमा कोरोना भयावह हुँदैछ !
सरकारलाई थाहा छ – नेपालमा कोरोना भयावह हुँदैछ !
काठमाडौं – जनस्वास्थ्य मापदण्ड पालनामा लापरवाही जारी रहे छिट्टै दैनिक ११ हजार जनाका दरले कोरोना संक्रमण बढ्ने स्वास्थ्य तथा जनसंख्या मन्त्रालयले जनाएको छ ।
यस्तो प्रक्षेपण राष्ट्रिय इपिडिमियोलोजी तथा रोग नियन्त्रण महाशाखाको रहेको स्वास्थ्य तथा जनसंख्या मन्त्री हृदयेश त्रिपाठीले सोमवार पत्रकारसँगको भेटघाटमा बताएका हुन् ।
यस हिसाबले आगामी असारसम्ममा ६ लाखभन्दा बढीमा कोरोना संक्रमण हुने आकलन सरकारले गरेको छ ।
मन्त्री त्रिपाठीले बढ्दो संक्रमण नियन्त्रण गर्न कडाइपूर्वक जनस्वास्थ्य मापदण्ड पालना गर्न अनुरोध गरेका छन् । ‘कोरोना संक्रमणको दोस्रो लहरको प्रमुख कारणमा लापरवाही नै बढी देखिन्छ,’ उनले भने ।
मन्त्री त्रिपाठीले फैलिँदो संक्रमण नियन्त्रण गर्न १ महिनाका लागि विद्यालय बन्द गरी भर्चुअल माध्यमबाट पठनपाठन गर्ने निर्णय भएको बताएका छन् । लकडाउन गर्ने योजना भने हाललाई नरहेको त्रिपाठीले स्पष्ट पारेका छन् ।
त्रिपाठीका अनुसार सीमा नाकाबाट प्रवेश गर्नेलाई नाकामै परीक्षण गर्ने र १० दिन अनिवार्य क्वारेन्टाइनमा बस्नुपर्ने व्यवस्था गरिएको छ । बढ्दो संक्रमणलाई ध्यानमा राखी सबै अस्पताललाई तयारी अवस्थामा राख्न आवश्यक सामग्रीबारे जानकारी लिएको त्रिपाठीले बताए ।
मन्त्री त्रिपाठीले रोकिएको खोप छिट्टै नेपाल आइपुग्ने संकेत गरेका छन् । ‘खोप छिट्टै आउँछ, कसैले नचिताएको खोप आउँछ,’ त्रिपाठीले भने । आजको नागरिक दैनिकमा समाचार प्रकाशित छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४