काठमाडौं – नेकपा नाम विवादमा पार्टी एकता नै बदर गरिदिने फागुन २३ गतेको सर्वाेच्च अदालतको फैसलाविरुद्ध नेकपा माओवादी केन्द्रले पुनरावलोकनमा जाने निर्णय गरेको छ ।

पुनरावलोकनमा जाने प्रक्रियाबारे मंगलवार माओवादी केन्द्रले ठूल्ठूला वकिलहरूसँग छलफल गरेको छ ।

छलफलमा अधिवक्ता तथा सांसद रामनारायण बिडारी, वरिष्ठ अधिवक्ता शम्भु थापा, नेपाल बार एशोसिएशनका अध्यक्ष चण्डेश्वर श्रेष्ठ, मुक्ति प्रधान, दिनमणि पोखरेल लगायतका कानून व्यवसायी सहभागी रहेका थिए ।

बैठकले फैसलाविरुद्ध पुनरावलोकनमा जानेबारे छलफल गरेको संसदीय दलका मुख्य सचेतक देव गुरुङले बताए । बैठकपछि माओवादीले सर्वोच्चको फैसलामा पुनरावलोन गर्ने निर्णय गरेको छ ।

सर्वाेच्च अदालतले नेपाल कम्युनिस्ट पार्टी (नेकपा) नामको आधिकारिकता ऋषि कट्टेललाई दिएर नेकपा एमाले र माओवादी केन्द्रलाई ब्युँताउँदै एकतापूर्वकै अवस्थामा फर्काएको थियो ।

नेकपा एमाले र माओवादी ब्युँताउने फैसला निवेदकको मागदाबी विपरीत र राजनीतिक प्रकारको भएको टिप्पणी गर्दै कानून व्यवसायीले ६० दिनभित्र पुनरावलोकनमा जान सकिने सुझाव दिएका गुरुङले बताएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !