काठमाडौं – सर्वाेच्च अदालतले नेकपा माओवादी केन्द्र ब्युताएपछि अध्यक्ष पुष्पकमल दाहाल ‘प्रचण्ड’ पहिलोपटक ‘मूड फ्रेस’ गर्न सिन्धुली पुगेका छन् ।

पछिल्लो समय फागुन ११ र २३ गतेको सर्वोच्च अदालतको फैसलापछि नेपाली राजनीति तातिरहेका बेला पूर्व प्रधानमन्त्री समेत रहेका प्रचण्ड ‘मूड फ्रेस’ गर्न बुधवार परिवारसहित सिन्धुली पुगेका छन् ।

माओवादी केन्द्रका स्थायी कमिटी सदस्य हरिबोल गजुरेलका अनुसार सिन्धुलीमा कुनै औपाचारिक कार्यक्रम नभए पनि प्रचण्ड मूड फ्रेसका लागि सिन्धुली पुगेका छन् ।

‘सिन्धुलीमा कुनै त्यस्तो औपचारिक कार्यक्रम छैन । अध्यक्ष कमरेड मूड फ्रेस हुन, रि–फ्रेसका लागि सिन्धुली आउनुभएको हो,’ गजुरेलले भने ।

अध्यक्ष प्रचण्डका साथमा प्रचण्ड पत्नी सीता दाहाल, प्रचण्डका प्रमुख स्वकीय सचिव जोगबहादुर महरा लगायत रहेका छन् । यसअघि राजनीति र परिवारमा तनाव हुँदा प्रायः सिन्धुपाल्चोक, सिन्धुली, नुवाकोटका रिसोर्टमा पुग्ने प्रचण्ड यसपटक सिन्धुलीमा पार्टीका स्थायी कमिटी सदस्य हरिबोल गजुरेलको निजी निवासमा बस्ने कार्यक्रम रहेको छ ।

फागुन २३ गतेको सर्वोच्चको फैसलामा ओली–प्रचण्ड नेतृत्वको नेकपा खारेज भएपछि प्रचण्ड नेपाली राजनीतिक घटनाक्रममा थप तनावमा देखिएका छन् । 

प्रधानमन्त्री ओलीलाई हटाउन र नयाँ सत्ता समीकरणका लागि नेपाली कांग्रेस, जनता समाजवादी पार्टीसँग तीव्ररूपमा छलफलमा जुटेका प्रचण्ड मंगलवार राष्ट्रपतिको आह्वानमा शीतलनिवासमा आयोजित सर्वदलीय बैठकमा समेत पुगेका थिए । 

पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरेपछि त्यसलाई प्रतिगमन देशव्यापी विरोध कार्यक्रम भएका थिए । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !