काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’का राजनीतिक गुरु मानिने नेकपा क्रान्तिकारी माओवादीका महासचिव मोहन वैद्य ‘किरण’ले क्रान्ति पूरा नभएको भन्दै फेरि बन्दुक उठ्ने घोषणा गरेका छन् ।

क्रान्ति गरेपछि मात्रै शान्ति आउने भएकाले क्रान्ति नै पूरा नभएको सन्दर्भमा अहिले नै शान्ति सम्भव नभएको वैद्यले तर्क गरेका छन् । केही दिनअघि प्रधानमन्त्री केपी शर्मा ओलीले नेपाल शान्तिपूर्ण अवस्थामा पुगेको घोषणा गरेका थिए ।

आईतवार नेकपा क्रान्तिकारी माओवादी सम्बद्ध जनवर्गीय संगठन तथा मोर्चाहरूले काठमाडौंको शान्ति बाटिकामा आयोजना गरेको विरोध सभामा नेता किरणले फेरि बन्दुक उठ्ने बताएका हुन् ।

नेपालमा क्रान्ति पूरा नभएकाले शान्तिको सम्भावना अहिले नरहेको वैद्यले बताए । प्रधानमन्त्री ओलीले सबै पार्टीहरू संसदीय मूलधारमा आएकाले अब देशमा शान्ति भएको अभिव्यक्ति दिएका थिए । ओलीको अभिव्यक्तिप्रति टिप्पणी गर्दै महासचिव वैद्यले अझै बन्दुक उठ्ने ठोकुवा गरेका हुन् ।

क्रान्तिकारीहरू संसदवादी मूलधारमा नभएको र आफूहरूले अहिलेको व्यवस्था नमान्ने भन्दै क्रान्तिपछि मात्रै शान्ति आउने बताएका छन् । ‘संसदवादी मूलधारमा छैनन् । हामी छैनौं । यो व्यवस्थालाई मान्दैनौं । त्यसकारण संसदीय मूलधारमा जाने कुरा आउँदैन । क्रान्ति गर्नुपर्छ । प्रधानमन्त्रीजीले अब शान्तिको नयाँ युग सुरू भो भन्नुभयो । यो झूट हो । विप्लवजीहरूले सम्झौता गर्ने बित्तिकै शान्तिको युग उहाँहरूले भनेजस्तो सुरू भएको छैन । यहाँका समस्याहरू हुन्, जबसम्म समाधान हुँदैन तबसम्म शान्तिको युग सुरू हुँदैन । सत्ताधारी वर्गले जनतालाई शोषण, उत्पीडन, दमन गर्ने यी कम्युनिस्ट नामधारीहरू शहिदको रगतको आहालमा डुबेर सत्तामा जाने, अनि शान्ति कसरी हुन्छ ? शान्तिको युग क्रान्ति गरेपछि आउँछ । बन्दुक उठाएपछि के हुन्छ ? फेरि बन्दुक उठ्छ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !