काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षले भोलि बिहीबार देशव्यापी आमहड्ताल घोषणा गरेपछि गृहमन्त्री रामबहादुर थापा ‘बादल’ले सुरक्षा निकायसँग आकस्मिक बैठक गरेका छन् ।

   
पर्सी शुक्रवार राजधानी काठमाडौंमा हुने प्रधानमन्त्री केपी शर्मा ओलीको शक्ति प्रदर्शनमा सहभागी हुन  आउनेहरूलाई जसरी पनि ल्याउन गृहमन्त्री बादलले प्रहरीलाई निर्देशन दिएका छन् ।

प्रचण्डको आमहड्ताल घोषणापछि मन्त्री बादलले बुधवार मन्त्रालयमा सुरक्षा निकायका प्रतिनिधिसँग आकस्मिक बैठक गरेका थिए । बैठकमा गृहमन्त्री बादलले आफ्नो पक्षको प्रदर्शनलाई सहजीकरण गर्न सुरक्षा निकायलाई निर्देशन दिएका छन् । ओली पक्षले शुक्रवार काठमाडौंको नारायणहिटीअगाडि शक्ति प्रदर्शन गर्ने तयारी गरिरहेको छ ।

प्रचण्ड–नेपाल पक्षले बिहीवार आमहड्ताल घोषणा गरेपछि आमहड्तालका कारण ओली पक्षको कार्यक्रम प्रभावित हुन नदिन गृहमन्त्री बादलले प्रहरीलाई निर्देशन दिएका छन् ।

शक्ति प्रदर्शन गर्न उपत्यका बाहिरबाट ठूलो संख्यामा कार्यकर्ता ल्याउने तयारी रहेको र त्यसमा अवरोध हुन नपाउने गरी सहजीकरण गर्न मन्त्री बादलले निर्देशन दिएका छन् ।

माघ २३ गतेको जनसभालाई ओली पक्षले प्रतिष्ठाको रूपमा हेरेको छ । प्रधानमन्त्री ओलीले नै शक्ति प्रदर्शन कस्तो हुन्छ भनेर २३ गते देखाइदिने बताउँदै आएका छन् । तर ओलीकै कार्यक्रमलाई प्रभावित पार्न भोलि आमहड्ताल गरिएको विश्लेषण समेत हुने गरेको छ ।

गृहमन्त्री बादलले बुधवार साँझदेखि नै उपत्यका बाहिरबाट बसहरू आउन थाल्ने र शुक्रवार बिहानसम्म कार्यकर्ता काठमाडौं आउने जानकारी प्रहरीलाई दिएका छन् ।

मन्त्री बादलले आफ्ना कार्यकर्ता ल्याउन अवरोध भए एक ठाउँमा जम्मा गरेर एकैसाथ स्कर्टिङ गरेर भए पनि कार्यकर्ता ल्याउन दिर्नेशन दिएका छन् ।

बादलको निर्देशनपछि प्रहरी प्रधान कार्यालयले आमहड्ताललाई लक्षित गरी आ–आफ्नो क्षेत्रमा सुरक्षा योजना बनाएर कडाइका साथ कार्यन्वयनमा लाग्न देशभरका प्रहरी कार्यालयलाई निर्देशन दिएको छ । बुधवार आकस्मिक रुपमा बसेको बैठकले देशभर आफ्नो क्षेत्रमा आवश्यक समन्वय गर्न र सुरक्षा व्यवस्था कायम गर्न निर्देशन दिइएको प्रहरी प्रवक्ता एसएसपी वसन्त कुँवरले जानकारी दिए ।

‘राजनीतिक दलहरूको कार्यक्रममा कुनै रोकतोक हुँदैन तर नागरिकका मौलिक हकलाई असर गर्न भएन । कानूनले बन्देज गरेका कुनै पनि गतिविधि भए प्रहरीले कारबाहीको दायरामा ल्याउँछ । त्यही अनुसार सर्कुलर गरिएको छ,’ उनले भने ।

राजधानी काठमाडौंको महानगरीय प्रहरी कार्यालसहित सबै जिल्लामा कुनै पनि किसिमको हिंसात्मक गतिविधिहरू, अप्रिय घटना, झडप र गैरकानूनी क्रियाकलाप नहुने गरी सुरक्षा व्यवस्था अपनाउन निर्देशन दिइसकेको एसएसपी कुँवरले बताएका छन् ।

नागरिकको आवतजावत र पेशा व्यवसाय गर्ने अधिकारलाई सुरक्षित गर्ने प्रहरीको योजना रहेको कुँवरले बताए । प्रहरीले बुधवारदेखि नै सडकमा बाक्लो संख्यामा सुरक्षाकर्मी परिचालन गरिसकेको छ । देशभर सादा पोशाकका प्रहरी समेत परिचालन गरिएको प्रहरीले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग