भारतले नेपाललाई दिने अनुदानमा ह्वात्तै बृद्धि, १५ अर्ब ८७ करोड बजेट विनियोजन
भारतले नेपाललाई दिने अनुदानमा ह्वात्तै बृद्धि, १५ अर्ब ८७ करोड बजेट विनियोजन
काठमाडौं – दक्षिणी छिमेकी भारतले नेपाललाई दिने वार्षिक अनुदान रकम बढाएको छ ।
आर्थिक वर्ष २०२१/२२ का लागि सोमवार वित्तमन्त्री निर्मला सीतारमणले सार्वजनिक गरेको केन्द्रीय बजेट अनुसार नेपालले पाउने वार्षिक अनुदान अघिल्लो आर्थिक वर्षको तुलनामा १ अर्ब १२ करोड भारु अर्थात् १ अर्ब ८९ करोड नेपाली रुपैयाँले बढेको छ ।
भारतीय वित्त मन्त्रालयका अनुसार नेपालले भारतबाट ९ अर्ब ९२ करोड भारु अर्थात् १५ अर्ब ८७ करोड नेपाली रुपैयाँ प्राप्त गर्नेछ । यसअघि भारतले आर्थिक वर्ष २०२०/२१ मा भने नेपालले पाउने अनुदानमा भारी कटौती गरेको थियो । आव २०१९/२० मा नेपालले पाउने अनुदान ११ अर्ब ९८ करोड रहेको थियो ।
गत वर्षको बजेटले झन् कटौती गरी ८ अर्ब ८० करोड भारुमा झारेको थियो । तर सोमबार सार्वजनिक भएको बजेटमा भने नेपालले पाउने अनुदान बढाइएको छ ।
सोमबार घोषणा भएको बजेट २०२१ अप्रिलबाट कार्यान्वयनमा आउने भारतीय सञ्चारमाध्यमले जनाएका छन् । भारतले पहिलो पटक पेपरलेस बजेट ल्याएको छ । जसमा स्वास्थ्य क्षेत्रलाई उच्च प्राथमिकतामा राखिएको जनाइएको छ ।
भारतले छिमेकी मुलुकलाई दिने अनुदानमध्ये सबैभन्दा ठूलो रकम भुटानलाई छुट्याउने गरेको छ । यसपालि भुटानलाई दिने अनुदान रकममा भारतले उल्लेख वृद्धि गरेको छ ।
तथ्यांकअनुसार आर्थिक वर्ष २०२१/२२ मा भुटानले भारतबाट ३० अर्ब ४ करोड भारु पाउने भएको छ । चालू आव २०२०/२१ मा भुटानले २२ अर्ब ६१ करोड पाएको थियो । त्यसअघि २६ अर्ब ६७ करोड रुपैयाँ भारु भुटानलाई भारत सरकारले अनुदान दिएको थियो । नयाँ बजेटमा भुटानपछि नेपालले बढी अनुदान रकम पाएको छ ।
भारतले घोषणा गरेको छिमेकी मुलुकलाई दिने अनुदान रकम भारुमा –
भुटान – ३० अर्ब ४ करोड
नेपाल – ९ अर्ब ९२ करोड
अफगानिस्तान – ३ अर्ब ५० करोड
बंगलादेश – २ अर्ब
श्रीलंका – २ अर्ब
माल्दिभ्स – २ अर्ब ५० करोड
म्यानमार – ४ अर्ब
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४