काठमाडौं – नेपाल कम्युनिस्ट पार्टी (नेकपा) राजनीतिक रूपमा विभाजित भएर छुट्टाछुट्टै भेला, बैठक, प्रशिक्षण र शक्ति प्रदर्शन भइरहेपनि निर्वाचन आयोगले औपचारिक रूपमा विभाजन गरेन । पार्टी विभाजनका लागि आयोगमा कसैले दाबी नै गरेनन् ।

नेकपाका औपचारिक अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’ पक्षको नेतृत्वमा विभाजनपछि भएका निर्णयलाई आयोगको अभिलेखीकरण गरेन । दुवै पक्षका निर्णय विधिसंवत नभएको भन्दै आयोगले अभिलेखीकरण गर्न अस्वीकार गर्‍यो ।

ओलीले केन्द्रीय कमिटी विस्तारको निर्णय गरेका थिए भने प्रचण्डले ओलीलाई कारवाही गर्दै अध्यक्षबाट हटाएर माधव नेपाललाई अध्यक्ष मनोनित गर्ने निर्णय गरेका थिए । दुवै पक्षका निर्णय अस्वीकृत भएपछि कानूनी रूपमा नेकपाका अध्यक्ष ओली र प्रचण्ड नै रहेका छन् ।

कानूनी रूपमा एकै भएपनि नेकपा विभाजित भइसकेको छ । यस्तो बेला अब के होला भन्ने सर्वत्र चासो रहेको छ ।

नेकपा उपाध्यक्ष बामदेव गौतमले भने जस्तै तत्कालै ओली र प्रचण्ड एक भइहाल्ने अवस्था पनि छैन । दुवै पक्षले एकअर्कालाई गालीगलौजकै स्तरमा अभिव्यक्ति दिइरहेका छन् ।

नेकपा विवाद के होला भनेर सर्वत्र चासो भइरहेका बेला निर्वाचन आयोगले नयाँ मोड ल्याएको छ । आयोगले नेकपाका दुवै ओली र प्रचण्ड पक्षलाई छलफलका लागि बोलाएको छ ।

निर्वाचन आयोगले ओली र प्रचण्डलाई छुट्टाछुट्टै पत्र लेखेर निर्वाचनसम्बन्धी छलफलका लागि अध्यक्ष र अध्यक्षले तोकेका आधिकारिक व्यक्ति गरी ५/५ जनालाई बोलाएको छ । 

प्रधानमन्त्री ओलीको सिफारिसमा राष्ट्रपति विद्यादेवी भण्डारीले संसद विघटन गरी आगामी बैशाख १७ र २७ गतेका लागि निर्वाचन घोषणा गरेपछि आयोगले निर्वाचनको तयारी गरिरहेको छ । सरकारी निर्णयअनुसार ओली पक्षले निर्वाचनमा होमिने घोषणा गरेपनि प्रचण्ड पक्षले संसद विघटन र निर्वाचनको विरोध गरिरहेको छ ।

संसद विघटनको विषय सर्वाेच्च अदालतको संवैधानिक इजलासमा समेत विचाराधीन रहेको छ । नेपाली कांग्रेस र जनता समाजवादी पार्टी (जसपा) ले सर्वाेच्च अदालतको फैसलाका आधारमा अगाडि बढ्ने मनस्थिति बनाएका छन् । निर्वाचन आयोगले भने सरकारी निर्णय अनुसार निर्वाचनको तयारी गरिरहेको छ ।
 
निर्वाचन आयोगले शुक्रबार बिहान साढे ११ बजे छलफलका लागि दुवै पक्षलाई बोलाएको आयोगका प्रवक्ता राजकुमार श्रेष्ठले बताए ।

आयोगले पठाएको पत्रमा दलसम्बन्धी विवादबारे छलफल गर्ने उल्लेख नगरिएपनि दुवै पक्ष उपस्थित भएपछि दलीय विवादबारे समेत छलफल हुने आयोग स्रोतले जनाएको छ ।

आगामी निर्वाचन प्रयोजनका लागि दल दर्ता गर्न सूचना प्रकाशन गर्ने समय आउन लागेकाले त्यस विषयमा छलफल गर्न लागेको प्रवक्ता श्रेष्ठले बताएका छन् ।

निर्वाचनसम्बन्धी कानूनमाथि छलफल र निर्वाचनको तयारीका विषयमा पनि छलफल हुने जनाइएको छ । तर आयोगले कांग्रेस, जसपा लगायत दललाई भने भोलि छलफलका लागि बोलाएको छैन । 

यसअघि नेकपाको दुबै पक्षले आफूलाई आधिकारिक दाबी गर्दै विभिन्न निर्णय गरेर आयोगमा दिएको निवेदनमा आयोगले दुबै पक्षको दावी नपुग्ने निर्णय गरिसकेको छ ।

भोलि शुक्रबारको छलफलमा आयोगले दुबै पक्षलार्ई राजनीतिक दल सम्बन्धी कानून र आयोगले गर्ने निर्णय प्रक्रियाबारे छलफल गर्ने जनाइएको छ । नेकपा विवाद कायमै रहे निर्वाचन समेत प्रभावित हुने भएकाले आयोगले सक्रियता देखाएको स्रोतले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा