कोरोना खोपपछि भारतले गर्यो नेपाली किसानलाई फाइदा पुग्ने निर्णय, यस्तो भयो सहमति
कोरोना खोपपछि भारतले गर्यो नेपाली किसानलाई फाइदा पुग्ने निर्णय, यस्तो भयो सहमति
काठमाडौं – कोरोना भाइरस संक्रमणको महामारीका बेला भारत सरकारले नेपाललाई अनुदानमा कोरोना विरुद्धको खोप उपलब्ध गराएको छ । खोप भोलि बुधबारदेखि अग्रपंक्तिमा रहेर काम गरिरहेका व्यक्तिहरूलाई लगाइँदैछ ।
कोरोना महामारीका बेला साथ दिएको भारतले अब नेपाली किसानलाई सहयोग पुग्ने गरी सहमति गरेको छ । प्रधानमन्त्री केपी शर्मा ओली नेतृत्वको सरकारले बंगलादेशबाट रासायनिक मल आउँदैछ भनेर जनतालाई झुक्याएपनि किसानले मल पाएनन् ।
किसानले मल नपाउँदै लगानी अनुसारको प्रतिफल नभएको गुनासो किसानले गरेका छन् । तत्कालीन कृषिमन्त्री घनश्याम भुसाल किसानलाई मल नल्याई सरकारबाट बाहिरिएका छन् ।
नेपाली किसानलाई देखिएको मलको समस्या समाधान गर्न अब भारत सरकारले नै नेपाल सरकारलाई मल बेच्ने भएको छ । यसअघि भारतले मल निर्यात गर्ने गरेको थिएन ।
नेपालसँग गभर्नमेन्ट टु गभनर्मेन्ट ‘जीटुजी’ (सरकारी स्तर) समझदारी गरेर रासायनिक मल बिक्री गर्न छिमेकी देश भारत सहमत भएको छ । गत माघ २ गते भारतमा सम्पन्न नेपाल–भारत संयुक्त आयोगको बैठकमा नेपालले राखेको मल खरिदमा जीटूजी गर्ने प्रस्तावमा भारतले सहमति जनाएको कृषि तथा पशुपन्छी विकास मन्त्रालयले जानकारी दिएको छ ।
हाल नेपालले ग्लोबल टेण्डरमार्फत मल खरिद गरिरहेको छ । बंगलादेशबाट पैंचोमा मल आउने प्रचार गरिएपनि धेरै ढिला भएको छ ।
भारतबाट मल ल्याउन जीटूजी मोडल प्रस्ताव गरिएपछि समझदारी बनेको कृषि सचिव डा. योगेन्द्रकुमार कार्कीले जानकारी दिए । ‘परराष्ट्र मन्त्रीस्तरीय बैठकमा भारतले नेपाललाई मल दिन सहमति जनाएको छ, हामीले जीटूजीको मोडल बनाउन तयारी थालेका छौं,’ उनले भने ।
जीटूजीमा मल खरिदबारे भारतसँग भएको समझदारी कार्यान्वयन गर्न परराष्ट्रमार्फत कृषि मन्त्रालयलाई पत्राचार भएको पनि सचिव कार्कीले बताएका छन् । भारतले कति परिमाणमा नेपाललाई मल उपलब्ध गराउने र त्यसको प्रक्रिया के हुने भन्नेबारे मन्त्रालयले प्रारम्भिक चरणको छलफल सुरू गरिसकेको मन्त्रालय स्रोतले जनाएको छ ।
अन्तर्राष्ट्रिय बजारबाट नेपालले हरेक वर्ष करीब ९ अर्ब रुपैयाँ बराबरको ४ लाख मेट्रिकटन रासायनिक मल खरिद गर्ने गरेको छ । यसमा सरकारी स्वामित्वको कृषि सामाग्री कम्पनी र साल्ट ट्रेडिङमार्फत ३ लाख ५० हजार मेट्रिक टन अनुदानको मल खरिद हुनेछ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४